പോത്തന്‍കോട്: ബസിൽ തൊട്ടടുത്തിരുന്ന ബിടെക് വിദ്യാർത്ഥിനിയോട് മോശമായി പെരുമാറിയ ഡെപ്യൂട്ടി ലേബര്‍ കമ്മിഷണര്‍ അറസ്റ്റില്‍. കൊല്ലത്ത് കശുവണ്ടി തൊഴിലാളി ക്ഷേമനിധി ബോര്‍ഡില്‍ ചീഫ് എക്സിക്യൂട്ടീവ് ഓഫിസറായ സുരേഷ് (51) നെയാണ് പൊലീസ് അറസ്റ്റ് ചെയ്തത്.
Also Read:പാവയ്ക്കയുടെ ഗുണങ്ങൾ അറിയാം
നാഗര്‍കോവിലിലെ എന്‍ജിനീയറിങ് വിദ്യാർത്ഥിനിയാണ് സംഭവത്തിൽ പോലീസിന് പരാതി നല്‍കിയത്. വെള്ളിയാഴ്ച ഉച്ചയ്ക്ക് കൊടുങ്ങല്ലൂരിലേക്കു പോകുന്ന കെഎസ്‌ആര്‍ടിസി ബസില്‍ വിദ്യാര്‍ഥിനിയും കൂട്ടുകാരിയും ഇരുന്ന സീറ്റില്‍ ഒപ്പം സുരേഷ് വന്നിരിക്കുകയായിരുന്നു. തുടർന്ന് കാര്യവട്ടം യൂണിവേഴ്സിറ്റി ക്യാംപസിനു സമീപം എത്തിയപ്പോള്‍ വിദ്യാര്‍ഥിനിയുടെ ശരീരത്തില്‍ ഇയാള്‍ മോശമായി സ്പര്‍ശിക്കുകയായിരുന്നുവെന്ന് വിദ്യാർത്ഥിനിയുടെ പരാതിയിൽ പറയുന്നു.
അതേസമയം, വിദ്യാര്‍ഥിനികള്‍ ഇയാള്‍ക്കെതിരെ മാതൃകാപരമായി ശക്തമായിത്തന്നെ പ്രതികരിച്ചിരുന്നു. യാത്രയ്‌ക്കിടയിൽ ബസ് കണിയാപുരം ഡിപ്പോയിലെത്തിയപ്പോള്‍ സുരേഷ് ഇറങ്ങി രക്ഷപ്പെടാന്‍ ശ്രമിച്ചെങ്കിലും മറ്റു യാത്രക്കാര്‍ ചേർന്ന് തടഞ്ഞു വയ്ക്കുകയും മംഗലപുരം പൊലീസിനെ ഏല്‍പ്പിക്കുകയുമായിരുന്നു.
Post Your Comments