രോഗലക്ഷണങ്ങൾ കണ്ടുതുടങ്ങി: ഇത്രയും പകരുന്ന വൈറസ് ലോകം കണ്ടിട്ടില്ലെന്ന് ലോകാരോഗ്യ സംഘടന

ജനീവ: ലോകത്ത് ഒമിക്രോൺ ഭീതി പടർത്തുമ്പോൾ വിലയിരുത്തലുമായി ലോകാരോഗ്യ സംഘടന. രോഗലക്ഷണങ്ങൾ കണ്ടുതുടങ്ങി അഞ്ചോ ഏഴോ ദിവസത്തിനുള്ളിൽ മിക്ക ആളുകളും കോവിഡ് മുക്തരാകുന്നുണ്ടെങ്കിലും, ലോകാരോഗ്യ സംഘടന (ഡബ്ല്യുഎച്ച്ഒ) 14 ദിവസത്തെ ക്വാറന്റീൻ ശുപാർശ ചെയ്യുന്നതായി ഡബ്ല്യുഎച്ച്ഒയിലെ കോവിഡ് മാനേജ്‌മെന്റ് സപ്പോർട്ട് ടീം അംഗം അബ്ദി മഹമൂദ്.

രാജ്യങ്ങൾ അവരുടെ നിലവിലെ സാഹചര്യങ്ങളെ അടിസ്ഥാനമാക്കി ക്വാറന്റീൻ കാലാവധിയെക്കുറിച്ച് തീരുമാനമെടുക്കണം. കുറഞ്ഞ കോവിഡ് കേസുകളുള്ള രാജ്യങ്ങളിൽ, കൂടുതൽ ക്വാറന്റീൻ സമയം കേസുകളുടെ എണ്ണം കഴിയുന്നത്ര കുറയ്ക്കാൻ സഹായിക്കും. ലോകാരോഗ്യ സംഘടനയുടെ കണക്കനുസരിച്ച്, 2021 ഡിസംബർ 29 വരെ 128 രാജ്യങ്ങളിൽ ഒമിക്രോൺ വകഭേദം റിപ്പോർട്ട് ചെയ്തിട്ടുണ്ട്.

Read Also: കാർ നിയന്ത്രണം വിട്ട് പോസ്റ്റിൽ ഇടിച്ച് അപകടം : കാറിന്‍റെ മുൻഭാഗവും രണ്ട് വൈദ്യുതി പോസ്റ്റും തകർന്നു

‘ഒമിക്രോൺ ആദ്യമായി സ്ഥിരീകരിച്ച ദക്ഷിണാഫ്രിക്കയിൽ, ആശുപത്രിയിൽ ചികിത്സയിലുള്ളവരുടെ എണ്ണവും മരണനിരക്കും വളരെ കുറവായിരുന്നു. എന്നാലും മറ്റു രാജ്യങ്ങളിൽ സ്ഥിതി സമാനമാകില്ല. ഡെൻമാർക്കിൽ, ആൽഫ വേരിയന്റിനൊപ്പം കോവിഡ് കേസുകളുടെ എണ്ണം ഇരട്ടിയാക്കാൻ രണ്ടാഴ്ചയെടുത്തു. എന്നാൽ, ഒമിക്രോൺ വേരിയന്റിനൊപ്പം രണ്ടു ദിവസമേ എടുത്തുള്ളൂ. ഇത്രയും പകരുന്ന വൈറസ് ലോകം കണ്ടിട്ടില്ല’- അദ്ദേഹം പറഞ്ഞു.