സ്ത്രീ​ക​ളെ കാ​ണി​ച്ച് വി​വാ​ഹ​ ത​ട്ടി​പ്പ് : അഞ്ചം​ഗ സംഘം പിടിയിൽ

ചി​റ്റൂ​ർ: സ്ത്രീ​ക​ളെ കാ​ണി​ച്ച് വി​വാ​ഹ​ത​ട്ടി​പ്പ് ന​ട​ത്തി​യ അഞ്ചം​ഗ സംഘം പിടിയിൽ. തൃ​ശൂ​ർ വാ​ണി​യ​മ്പാ​റ പൊ​ട്ടി​മ​ട പു​ല്ലം​പാ​ടം വീ​ട്ടി​ൽ എ​ൻ. സു​നി​ൽ (40), കേ​ര​ള​ശ്ശേ​രി മ​ണ്ണാ​ൻ പ​റ​മ്പ് അ​മ്മി​ണി​പൂ​ക്കാ​ട് വീ​ട്ടി​ൽ വി. ​കാ​ർ​ത്തി​കേ​യ​ൻ (40), വ​ട​ക്ക​ഞ്ചേ​രി കു​ന്നം​ക്കാ​ട് കാ​ര​ക്ക​ൽ വീ​ട്ടി​ൽ സ​ജി​ത (32), കാ​വി​ൽ​പ്പാ​ട് ദേ​വീ നി​വാ​സി​ൽ ദേ​വി (60), കാ​വ​ശേ​രി ചു​ണ്ട​ക്കാ​ട് സ​ഹീ​ദ (36) എ​ന്നി​വ​രെ​യാ​ണ് പൊലീസ് അറസ്റ്റ് ചെയ്തത്. കൊ​ഴി​ഞ്ഞാ​മ്പാ​റ പൊ​ലീ​സ് ആണ് പ്രതികളെ പിടികൂടിയത്.

2021 ഡി​സം​ബ​ർ 12 നാ​യി​രു​ന്നു കേസിനാസ്പദമായ സം​ഭ​വം. ത​മി​ഴ്നാ​ട്ടി​ലെ വി​വാ​ഹ ബ്യൂ​റോ വ​ഴി വി​വാ​ഹ ആ​ലോ​ച​ന ന​ട​ത്തി​യ സേ​ലം പോ​ത്ത​നാ​യ​കം പാ​ള​യ​ത്തെ മ​ണി​ക​ണ്ഠ​നെ (38) സം​ഘം ഗോ​പാ​ല​പു​രം അ​തി​ർ​ത്തി​യി​ലെ ക്ഷേ​ത്ര​ത്തി​ൽ വി​ളി​ച്ച് വ​രു​ത്തുകയും തു​ട​ർ​ന്ന്​ സ​ജി​ത​യെ കാ​ണി​ച്ച് അ​മ്മ​ക്ക്​ അ​സു​ഖ​മാ​യ​തി​നാ​ൽ ഇ​ന്ന് ത​ന്നെ വി​വാ​ഹം ന​ട​ത്താ​മെ​ന്ന് പ​റ​യുകയുമായിരുന്നു. ഗോ​പാ​ല​പു​ര​ത്തെ ക്ഷേ​ത്ര​ത്തി​ൽ വി​വാ​ഹം ന​ട​ത്തി. മാത്രമല്ല ബ്രോ​ക്ക​ർ ക​മീ​ഷ​നാ​യി ഒ​ന്ന​ര ല​ക്ഷം കൈ​പ്പ​റ്റു​ക​യും ചെ​യ്തു. തുടർന്ന് അ​ന്ന്​ ത​ന്നെ സേ​ല​ത്തെ വ​ര​ന്‍റെ വീ​ട്ടി​ലേ​ക്ക് സ​ജി​ത​യും സ​ഹോ​ദ​ര​നെ​ന്ന വ്യാ​ജേ​ന കാ​ർ​ത്തി​കേ​യ​നും പോ​യി.

Read Also : സിഗരറ്റിനു പകരം കാബേജ്, പ്ലേസ്റ്റേഷനു പകരം നൂഡിൽസ്, ജനങ്ങൾ വലയുന്നു : പട്ടിണി കൊണ്ട് പൊറുതിമുട്ടി ചൈനീസ് നഗരം

അ​ടു​ത്ത ദി​വ​സം സ​ജി​ത​യു​ടെ അ​മ്മ​ക്ക്​ അ​സു​ഖ​മാ​ണെ​ന്ന് പ​റ​ഞ്ഞ് വീട് വിട്ടിറങ്ങിയ ഇ​രു​വ​രും ഫോ​ൺ സ്വി​ച്ച് ഓ​ഫ് ചെ​യ്യു​ക​യാ​യി​രു​ന്നു. ഒ​രാ​ഴ്ച ക​ഴി​ഞ്ഞി​ട്ടും ഇ​വ​രെ ഫോ​ണി​ൽ ബ​ന്ധ​പ്പെ​ടാ​നാ​കാ​തെ വ​ന്ന​പ്പോ​ൾ മ​ണി​ക​ണ്ഠ​നും സു​ഹൃ​ത്തു​ക്ക​ളും ഗോ​പാ​ല​പു​ര​ത്തെ​ത്തി ന​ട​ത്തി​യ അ​നേ​ഷ​ണ​ത്തി​ൽ ആണ് ത​ട്ടി​പ്പ്​ മ​ന​സ്സി​ലാ​യത്.

സൈ​ബ​ർ സെ​ൽ സ​ഹാ​യ​ത്തോ​ടെയാണ് കൊ​ഴി​ഞ്ഞാ​മ്പാ​റ പൊ​ലീ​സ് പ്രതികളെ പി​ടി​കൂ​ടിയത്. സ​മാ​ന രീ​തി​യി​ൽ അ​മ്പ​തോ​ളം പേ​രെ ക​ബ​ളി​പ്പി​ച്ച​താ​യി പ്ര​തി​ക​ൾ കുറ്റസമ്മതം നടത്തി. ഇ​ൻ​സ്പെ​ക്ട​ർ എം. ​ശ​ശി​ധ​ര​ന്‍റെ നേ​തൃ​ത്വ​ത്തി​ൽ എ​സ്.​ഐ വി. ​ജ​യ​പ്ര​സാ​ദ്, എ.​എ​സ്.​ഐ സി.​എം. കൃ​ഷ്ണ​ദാ​സ്, സീ​നി​യ​ർ സി​വി​ൽ ഓ​ഫി​സ​ർ​മാ​രാ​യ ആ​ർ. വി​നോ​ദ് കു​മാ​ർ, എ. ​മ​ണി​ക​ണ്ഠ​ൻ, സി​വി​ൽ ഓ​ഫി​സ​ർ എ​സ്. പ്ര​മോ​ദ് എ​ന്നി​വ​രാ​ണ് പി​ടി​കൂ​ടി​യ​ത്. ചി​റ്റൂ​ർ മ​ജി​സ്ട്രേ​റ്റി​ന്​ മു​ന്നി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ് ചെ​യ്തു.