അബുദാബി: അപകടത്തിൽ പരിക്കേറ്റ പ്രവാസിയെ എയർ ആംബുലൻസിൽ ആശുപത്രിയിലെത്തിച്ച് അബുദാബി പോലീസ്. വാഹനാപകടത്തിൽ ഗുരുതരമായി പരിക്കേറ്റ ഏഷ്യൻ വംശജനെയാണ് അബുദാബി പോലീസ് എയർ ആംബുലൻസിൽ ആശുപത്രിയിലെത്തിച്ചത്. ശൈഖ് ഷഖ്ബൂത് മെഡിക്കൽ സിറ്റിയിലെത്തിച്ചാണ് ഇദ്ദേഹത്തിന് ചികിത്സ നൽകിയത്.
സൈവ്യ്ഹാൻ റോഡിൽ വെച്ചാണ് വാഹനാപകടം ഉണ്ടായത്. മുപ്പതുകാരനായ ഏഷ്യൻ വംശജന്റെ കാർ ട്രക്കുമായി കൂട്ടിയിടിച്ചായിരുന്നു അപകടം. ക്ഷീണവും തളർച്ചയും മൂലം ഡ്രൈവർ ഉറങ്ങിപ്പോയതാണ് അപകടകാരണമെന്ന് പോലീസ് അറിയിച്ചു. കാറിലുണ്ടായിരുന്ന മറ്റു രണ്ടു പേർക്ക് പരിക്കേൽക്കുകയും ചെയ്തിരുന്നു. ഉറക്കം വന്നാൽ വാഹനം വഴിയോരത്ത് മാറ്റി നിർത്തിയിട്ട് ഉറങ്ങണമെന്നും എപ്പോഴും സീറ്റ് ബെൽറ്റ് ധരിക്കണമെന്നും പോലീസ് ഡ്രൈവർമാരോട് അഭ്യർത്ഥിച്ചു.
Post Your Comments