നാലുവയസുകാരിയെ തെരുവുനായ്ക്കള്‍ കടിച്ചുകീറി, വലിച്ചിഴച്ചു: നടുക്കുന്ന ദൃശ്യം

ഭോപ്പാല്‍: നാലുവയസുകാരിയെ തെരുവുനായ്ക്കള്‍ കടിച്ചുകീറി. വഴിയാത്രക്കാരന്‍ പട്ടികളെ ആട്ടിപ്പായിച്ചത് കൊണ്ട് കുട്ടി ജീവനോടെ രക്ഷപ്പെട്ടു. ഭോപ്പാലിലെ തെരുവിൽ നടന്ന സംഭവത്തിൽ കൂട്ടമായെത്തിയ തെരുവുനായ്ക്കള്‍ പെൺകുട്ടിയെ ആക്രമിക്കുകയായിരുന്നു. വഴിയാത്രക്കാരനായ യുവാവ് നായ്ക്കളെ ആട്ടിപ്പായിച്ചത് കൊണ്ട് കുട്ടി ജീവനോടെ രക്ഷപ്പെട്ടു. ഗുരുതരമായി പരിക്കേറ്റ കുട്ടിയെ ആശുപത്രിയില്‍ പ്രവേശിപ്പിച്ചു.

വീടിന് വെളിയില്‍ കളിക്കുമ്പോൾ കുട്ടി തെരുവുനായ്ക്കളുടെ ആക്രമണത്തിന് ഇരയാകുകയായിരുന്നു കുട്ടിയെ തെരുവുനായ്ക്കള്‍ വളഞ്ഞിട്ട് ആക്രമിക്കുന്നതിന്റെ സിസിടിവി ദൃശ്യങ്ങള്‍ പുറത്തുവന്നു. നായ്ക്കളുടെ ആക്രമണത്തില്‍ കുട്ടി നിലത്തുവീഴുന്നതും വലിച്ചിഴച്ച് ആക്രമണം തുടരുന്നതും ദൃശ്യങ്ങളില്‍ വ്യക്തമാണ്. തെരുവുനായ്ക്കള്‍ കുട്ടിയെ കടിച്ചുകീറുന്നത്തിന്റെ ദൃശ്യങ്ങൾ സോഷ്യൽ മീഡിയയിൽ വ്യാപകമായാണ് പ്രചരിക്കുന്നത്.

#Bhopal : beware of dogs pic.twitter.com/2gPuYNg0mO

— Subhash Bhargav (@Skbhargav71) January 2, 2022