കുങ്കിയാനകളും മടങ്ങി: പിടികൊടുക്കാതെ കടുവ, മാനന്തവാടിയിൽ ഭീതി തുടരുന്നു

മാനന്തവാടി: ഒരു നാടിനെ മുഴുവൻ ഭീതിയിലാഴ്ത്തിയ ക​ടു​വ​യെ ക​ണ്ടെ​ത്താ​നു​ള്ള ദൗ​ത്യത്തിൽ പരാജയപ്പെട്ട് കുങ്കിയാനകൾ മടങ്ങി. മാനന്തവാടി കുറുക്കൻ മൂലയിലാണ് കൊ​മ്പന്മാ​ര്‍ ആ​ന​പ്പ​ന്തി​യി​ലേ​ക്ക് തിരികെ മ​ട​ങ്ങിയത്. കു​റു​ക്ക​ന്‍​മൂ​ല​യെ ഭീ​തി​യി​ലാ​ഴ്ത്തി​യ ക​ടു​വ​യെ തു​ര​ത്താ​ൻ ര​ണ്ടാ​ഴ്ച മു​ൻപാണ് മു​ത്ത​ങ്ങ​യി​ല്‍​ നിന്നും ക​ല്ലൂ​ര്‍ കൊ​മ്പനും വ​ട​ക്ക​നാ​ട് കൊമ്പനും എ​ത്തി​യ​ത്.

Also Read:കേന്ദ്രത്തിന്റെ സദ്ഭരണ സൂചികയിൽ കേരളം അഞ്ചാമത് എന്ന മുഖ്യമന്ത്രിയുടെ ‘സ്വയം പ്രശംസ’ പൊളിച്ചടുക്കി ശ്രീജിത്ത് പണിക്കർ

ക​ല്ലൂ​ര്‍ കൊ​മ്പനും വ​ട​ക്ക​നാ​ട് കൊമ്പനും ദി​വ​സ​ങ്ങ​ളോ​ളം പാ​പ്പാ​ന്മാ​രു​ടെ നി​ര്‍​ദേ​ശ​ങ്ങ​ള​നു​സ​രി​ച്ച്‌ തി​ര​ച്ചി​ല്‍ ന​ട​ത്തി​യി​ട്ടും ഫ​ല​മു​ണ്ടാ​യി​ല്ല. ഇ​തോ​ടെ വ​നം വ​കു​പ്പ് തന്നെയാണ് തി​ര​ച്ചി​ല്‍ അ​വ​സാ​നി​പ്പി​ക്കാൻ പറഞ്ഞത്. കടുവയെപ്പിടിക്കാനെത്തിയ കൊമ്പന്മാർക്ക് ഒരു വലിയ കഥയുണ്ട്. കേ​ര​ള-​ക​ര്‍​ണാ​ട​ക അ​തി​ര്‍​ത്തി​പ്ര​ദേ​ശ​മാ​യ നൂ​ല്‍​പ്പു​ഴ​ക്കാ​രു​ടെ പേ​ടി​സ്വ​പ്ന​മാ​യി​രു​ന്നു ഇ​രുവരും. കൊമ്പന്മാരുടെ ശല്യം സഹിക്കാവയ്യാതെ ഒടുവിൽ മ​യ​ക്കു​വെ​ടി​വെ​ച്ച്‌ രണ്ടുപേരെയും പി​ടി​കൂ​ടി മു​ത്ത​ങ്ങ​യി​ലെ ആ​ന​പ്പ​ന്തി​യി​ലെ​ത്തി​ച്ച്‌ പ​രി​ശീ​ല​നം ന​ല്‍​കുകയായിരുന്നു.

ഇരുവർക്കും രസകരമായ രണ്ടു പേരുകൾ മുത്തങ്ങയിലെ ഉദ്യോഗസ്ഥർ നൽകിയിട്ടുണ്ട്. 2016 ന​വം​ബ​റി​ല്‍ പി​ടി​കൂ​ടി​യ ക​ല്ലൂ​ര്‍ കൊ​മ്പൻ ഭ​ര​ത് എ​സ്.​ഐ എ​ന്നും 2019 മാ​ര്‍​ച്ചി​ല്‍ പി​ടി​കൂ​ടി​യ വ​ട​ക്ക​നാ​ട് കൊമ്പന്‍ വി​ക്രം എ​ന്ന പേ​രി​ലു​മാ​ണ് അ​റി​യ​പ്പെ​ടു​ന്ന​ത്. പ​രി​ശീ​ല​നം സി​ദ്ധി​ച്ച ഇ​രു​വ​രും ആ​ദ്യ​മാ​യാ​ണ് പു​റ​മെ തി​ര​ച്ചി​ലി​നി​റ​ങ്ങി​യ​ത്.