കെ റെയിലിന്റെ വാർഷികച്ചെലവ് 542 കോടി : എന്നാൽ, വരുമാനം 2276 കോടിയെന്ന് റിപ്പോർട്ട്

തിരുവനന്തപുരം: അതിവേഗ തീവണ്ടിയായ കെ റെയിലിന്റെ പരിപാലനത്തിന് ഒരു വർഷത്തെ ചെലവ് 542 കോടി രൂപ വരും. ജീവനക്കാരുടെ ശമ്പളം, ബോഗികളുടെയും പാളത്തിന്റെയും അറ്റകുറ്റപ്പണി, മറ്റു ചിലവുകൾ എന്നിവയുൾപ്പെടെയാണ് ഈ തുക. പത്തു വർഷത്തിനു ശേഷം, വാർഷിക ചെലവ് 694 കോടി രൂപയായി വർധിക്കും.

എന്നാൽ, കെ റയിൽ പദ്ധതിയിൽ നിന്നുള്ള വരുമാനം, ആദ്യ വർഷമായ 2025-26-ൽ, 2,276 കോടി രൂപ ലഭിക്കുമെന്നാണ് കണക്കാക്കുന്നത്. ടിക്കറ്റ് വരുമാനമാണ് ഇത്. 3384 ജീവനക്കാരെ നേരിട്ട് നിയമിക്കേണ്ടി വരുമ്പോൾ, 1516 പേർക്ക് പരോക്ഷമായി തൊഴിൽ നൽകേണ്ടി വരും. കേമറയിൽ വിശദ പദ്ധതി രേഖയിലാണ് (ഡി.പി.ആർ) ഈ വിവരങ്ങൾ പരാമർശിക്കുന്നത്.

സ്റ്റാൻഡേർഡ് ഗേജ് ഇരട്ടപ്പാതയാണ് കൊച്ചുവേളി മുതൽ കാസർകോട് വരെ നിർമ്മിക്കുന്നത്. ഇവിടെ തീവണ്ടി സഞ്ചരിക്കുന്ന പരമാവധി വേഗത 220 കിലോമീറ്റർ ആണ്. ആദ്യ ഘട്ടത്തിൽ, 9 കോച്ചുകളുള്ള ട്രെയിൻ പാളത്തിലിറക്കുക. എങ്കിലും, ആവശ്യങ്ങൾക്ക് അനുസരിച്ച് അത് 15 കോച്ചുകൾ വരെ ദീർഘിപ്പിക്കാൻ സാധിക്കും. സിഗ്നൽ സംവിധാനം ഓട്ടോമാറ്റിക്കായതിനാൽ, 10 മിനിറ്റ് ഇടവേളകളിൽ ട്രെയിനുകൾ പ്രവർത്തിപ്പിക്കാൻ സാധിക്കുമെന്നും റിപ്പോർട്ടിൽ അവകാശപ്പെടുന്നു.