പെരുമ്പാവൂര്‍: യുവതി വാഹനാപകടത്തില്‍ മരിച്ചു. സുഹൃത്തിനൊപ്പം ബൈക്കില്‍ സഞ്ചരിച്ച കോതമംഗലം പാലമറ്റം പഴക്കര വീട്ടില്‍ തോമസിന്‍െറ മകള്‍ മീനുവാണ് (19) മരിച്ചത്. സുഹൃത്ത് നേര്യമംഗലം പുത്തന്‍പുരയ്ക്കല്‍ വിഷ്ണു ജയനോടൊപ്പം കോതമംഗലം ഭാഗത്തേയ്ക്ക് പോകുമ്ബോള്‍ ഇതേ ദിശയില്‍ സഞ്ചരിച്ച ടെമ്പോവാനുമായി കൂട്ടിയിടിച്ചാണ് അപകടം.
read also: വിലപിടിപ്പുള്ള സാധനങ്ങൾക്കായി നിർബന്ധം, നിരന്തരം മർദനം: ഭാര്യ തന്നെ അടിമയായി കാണുന്നുവെന്ന് പരാതിയുമായി യുവാവ്
ഇരിങ്ങോള്‍ വൈദ്യശാലപ്പടിക്ക് സമീപത്തെ കീയംകുളങ്ങര പാടശേഖരത്തിനടുത്ത് വച്ചായിരുന്നു അപകടം. മീനുവിനെ പെരുമ്ബാവൂരിലെ സ്വകാര്യ ആശുപത്രിയില്‍ എത്തിച്ചെങ്കിലും മരിച്ചു. നിസാര പരിക്കേറ്റ വിഷ്ണുവിനെ ആശുപത്രിയില്‍ പ്രഥമശുശ്രൂഷ നല്‍കിയ ശേഷം വിട്ടയച്ചു. റിജയാണ് മീനുവിന്‍െറ മാതാവ്. സഹോദരങ്ങള്‍: മിഥുന്‍, അന്ന മരിയ.
Post Your Comments