ആ​ദി​വാ​സി യു​വാ​വ് പാ​റ​യി​ൽ​ നി​ന്ന്​ തെ​ന്നി​വീ​ണ് മ​രി​ച്ചതല്ല, ആത്മഹത്യ ചെയ്തത് : കാരണം പുറത്ത്

മ​റ​യൂ​ർ: പാ​റ​യി​ൽ​നി​ന്ന്​ തെ​ന്നി​വീ​ണ് മ​രി​ച്ചെ​ന്ന് ക​രു​തി​യ ആ​ദി​വാ​സി യു​വാ​വ് ആത്മഹത്യ ചെയ്തതാണെന്ന് കുടുംബം. ആദിവാസി യുവാവ് ചി​ന്ന​കു​പ്പ​ന്‍(37) ആ​ത്മ​ഹ​ത്യ ചെ​യ്ത​താ​ണെ​ന്ന് ഭാ​ര്യ​യും ബ​ന്ധു​ക്ക​ളും വ്യക്തമാക്കി.

ച​ന്ദ​ന​ക്കേ​സി​ൽ പ്ര​തി​യാ​യ​തി​നെ തു​ട​ർ​ന്ന്​ കാ​ടി​നു​ള്ളി​ൽ ഒ​ളി​വി​ൽ ക​ഴി​യു​ക​യാ​യി​രു​ന്നു യുവാവ്. ശ​നി​യാ​ഴ്ച രാ​വി​ലെ ഭാ​ര്യ ഉ​മ​യോട് മ​ക്ക​ൾ​ക്കൊ​പ്പം കാ​ടി​നു​ള്ളി​ലേ​ക്ക് എ​ത്തണമെന്നും ഒ​രു​മി​ച്ച് മ​രി​ക്കാമെ​ന്നും പ​റ​ഞ്ഞിരുന്നു. തന്റെ പേ​രി​ൽ വ​നം വ​കു​പ്പ് ഉ​ദ്യോ​ഗ​സ്ഥ​ർ ചു​മ​ത്തി​യ​ത്​ ക​ള്ള​ക്കേ​സാ​ണെ​ന്നും എ​ല്ലാം തീ​ർ​ന്നു​വ​രു​മ്പോ​ഴേ​ക്കും തന്റെ ജീ​വി​തം ഇ​ല്ലാ​താ​കു​മെ​ന്നും അ​തി​നാ​ൽ മ​ക്ക​ളു​മൊ​ത്ത് ഒ​രു​മി​ച്ച് ആ​ത്മ​ഹ​ത്യ ചെ​യ്യാ​മെ​ന്നും ആണ് പറഞ്ഞത്. പി​ന്തി​രി​പ്പി​ക്കാ​ൻ ശ്ര​മി​ച്ച​പ്പോ​ൾ എ​ങ്കി​ൽ ത​നി​ച്ച് ആ​ത്മ​ഹ​ത്യ ചെ​യ്യു​മെ​ന്ന് പ​റ​ഞ്ഞ് ഫോ​ൺ ക​ട്ടാ​ക്കി.

Read Also : ശ​ബ​രി​മ​ല തീ​ർ​ഥാ​ട​ക​ർ സ​ഞ്ച​രി​ച്ച ബ​സ് മ​റി​ഞ്ഞ് അപകടം : നി​ര​വ​ധി​ പേ​ർ​ക്ക് പരിക്ക്

പി​ന്നീ​ട് വ​ന​ത്തി​നു​ള്ളി​ൽ അന്വേഷിച്ച് എ​ത്തി​യ​പ്പോ​ഴാ​ണ് പാ​റ​ക്കെ​ട്ടു​ക​ൾ​ക്കി​ട​യി​ൽ യുവാവിനെ മ​രി​ച്ച​നി​ല​യി​ൽ ക​ണ്ടെ​ത്തി​യ​ത്. ചി​ന്ന​കു​പ്പ​നെ കി​ട്ടി​യി​ല്ലെ​ങ്കി​ൽ 19ഉും 16​ഉും വ​യ​സ്സു​ള്ള മ​ക്ക​ളെ​യും ഉ​ൾ​പ്പെ​ടു​ത്തി കേ​സ് ര​ജി​സ്​​റ്റ​ർ ചെ​യ്ത്​ അ​റ​സ്​​റ്റ്​ ചെ​യ്യു​മെ​ന്ന് ഭീ​ഷ​ണി​പ്പെ​ടു​ത്തി​യ​താ​യും ആ​ത്മ​ഹ​ത്യ ചെ​യ്ത ചി​ന്ന​കു​പ്പന്റെ ഭാ​ര്യ ഉ​മ പ​റ​യു​ന്നു. ചെ​യ്യാ​ത്ത കു​റ്റ​ങ്ങ​ൾ​ക്ക്​ സ്ഥി​രം പ്ര​തി​യാ​കേ​ണ്ടി​വ​രു​ന്ന​ത് കാ​ര​ണ​മാ​ണ് ചി​ന്ന​കു​പ്പ​ൻ ആ​ത്മ​ഹ​ത്യ ചെ​യ്ത​തെ​ന്നും ത​ങ്ങ​ളും ആ​ത്മ​ഹ​ത്യ ചെ​യ്യു​മെ​ന്നും ഉ​മ പ​റ​ഞ്ഞു. മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി.