ലൈംഗികത്തൊഴിലാളികൾക്ക് റേഷനും ആധാറും നൽകണമെന്ന് സർക്കാരിന് സുപ്രീം കോടതി നിർദേശം

ന്യൂഡൽഹി: ലൈംഗികത്തൊഴിലാളികൾക്ക് വോട്ടർ ഐ.ഡി, ആധാർ കാർഡ്​, റേഷൻ കാർഡുകൾ എന്നിവ ഉടൻ വിതരണം ചെയ്യാൻ സുപ്രീംകോടതി നിർദേശം നൽകി. തൊഴിൽ വ്യത്യാസമില്ലാതെ എല്ലാ പൗരന്മാർക്കും മൗലികാവകാശങ്ങൾ ഉറപ്പാക്കണമെന്ന്​ കോടതി പറഞ്ഞു. റേഷൻ കാർഡില്ലെങ്കിലും ലൈംഗികത്തൊഴിലാളികൾക്ക് റേഷൻ നൽകുന്നത്​ തുടരണമെന്നും അഭിപ്രായപ്പെട്ടു.

Also Read : മൂ​ന്ന​ര കി​ലോ ക​ഞ്ചാ​വു​മാ​യി യുവാവ് അറസ്റ്റിൽ

ലൈംഗികത്തൊഴിലാളികൾക്ക് റേഷൻ കാർഡ് നൽകണമെന്ന നിർദേശം 2011ൽ പാസാക്കിയെങ്കിലും ഇതുവരെ നടപ്പാക്കിയിട്ടില്ല. ഒരു ദശാബ്​ദം മുമ്പ്​ നിർ​ദേശം നൽകിയിട്ടും എന്ത്​ കൊണ്ടാണ്​ നടപ്പാക്കാത്തത്​ എന്നതിന്​ ഒരു കാരണവും ബോധിപ്പിക്കാനുണ്ടാവില്ലെന്നും കോടതി പറഞ്ഞു. കേന്ദ്രത്തിനും സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കുമാണ്​ ജസ്​റ്റിസുമാരായ എൽ. നാഗേശ്വര റാവു, ബി.ആർ. ഗവായ്, ബി.വി. നാഗരത്ന എന്നിവരടങ്ങിയ ബെഞ്ച് നിർദേശം നൽകിയത്​.