പെരുമ്പാവൂര്‍: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ അന്തര്‍ സംസ്ഥാന തൊഴിലാളി അറസ്റ്റിൽ. അസം സ്വദേശി നാജുറുൽ ഇസ്ലാമിനെയാണ് (20) പൊലീസ് പിടികൂടിയത്. പെരുമ്പാവൂര്‍ പൊലീസ് ആണ് പ്രതിയെ അറസ്റ്റ് ചെയ്തത്.
പെണ്‍കുട്ടിയും കുടുംബവും പെരുമ്പാവൂരിൽ വാടകക്ക് താമസിക്കുകയാണ്. ഇവിടെ വെച്ചാണ് പീഡനം നടന്നത്. പെൺകുട്ടിയുടെ മാതാപിതാക്കൾ നൽകിയ പരാതിയുടെ അടിസ്ഥാനത്തിലാണ് പൊലീസ് കേസെടുത്തത്. പോക്സോ നിയമപ്രകാരം പൊലീസ് കേസെടുത്തിരിക്കുന്നത്.
Read Also : ‘ഏട്ടന്റെ അടുത്ത് തന്നെ എന്നെയും മക്കളെയും അടക്കണം’: പ്രിയയുടെ അവസാന ആഗ്രഹം നടത്തി ബന്ധുക്കൾ
ഇന്‍സ്‌പെക്ടര്‍ ആര്‍. രഞ്ജിത്, സബ് ഇന്‍സ്‌പെക്ടര്‍ റിന്‍സ് എം. തോമസ്, എ.എസ്.ഐ ദിലീപ്, എസ്.സി.പി.ഒമാരായ ബാലാമണി, സൈനബ തുടങ്ങിയവരാണ് പ്രതിയെ പിടികൂടിയത്. അറസ്റ്റ് ചെയ്ത പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
Post Your Comments