മുണ്ടക്കയം: ശബരിമല തീര്‍ഥാടകര്‍ സഞ്ചരിച്ച വാഹനവും കെഎസ്ആര്‍ടിസി ബസും കൂട്ടിയിടിച്ച് അപകടം. കോട്ടയം-കുമളി സംസ്ഥാന പാതയില്‍ വളഞ്ഞങ്ങാനത്താണ് അപകടമുണ്ടായത്.
ഇന്ന് രാവിലെ 6.30നാണ് അപകടം നടന്നത്. അപകടത്തിൽ 11 തീര്‍ഥാടകര്‍ക്കും ബസ് യാത്രക്കാരിയായ ഒരു സ്ത്രീക്കും പരിക്കേറ്റു. തമിഴ്‌നാട്ടില്‍ നിന്നുള്ള തീര്‍ഥാടകര്‍ സഞ്ചരിച്ച വാഹനമാണ് വളഞ്ഞങ്ങാനത്ത് വെച്ച് കെഎസ്ആര്‍ടിസി ബസുമായി കൂട്ടിയിടിച്ചത്.
അപകടത്തിൽ പരിക്കേറ്റവരെ സമീപത്തെ ആശുപത്രിയിൽ പ്രവേശിപ്പിച്ചു. അപകടത്തെ തുടര്‍ന്ന് ഗതാഗതം ഭാഗികമായി തടസപ്പെട്ടു.
Post Your Comments