മുംബൈ: അന്താരാഷ്‌ട്ര വിമാനത്താവളത്തിൽ കോടികളുടെ ലഹരിമരുന്ന് വേട്ട. 35 കിലോഗ്രാം ഹെറോയിനുമായി രണ്ട് സിംബാബ്‌വെ പൗരന്മാർ പിടിയിൽ. മയക്കുമരുന്ന് കടത്തുന്നത് സംബന്ധിച്ച രഹസ്യ വിവരം ലഭിച്ചതിന്റെ അടിസ്ഥാനത്തിൽ എയർ ഇന്റലിജൻസ് യൂണിറ്റിന്റെ നേതൃത്വത്തിൽ പരിശോധന നടത്തിയതിനെ തുടർന്നാണ് സിംബാബ്‌വെ സ്വദേശികൾ പിടിയിലായത്.
പിടിച്ചെടുത്ത മയക്കുമരുന്നിന് ആഗോള വിപണിയിൽ 247 കോടിരൂപ വിലവരുമെന്ന് അധികൃതർ വ്യക്തമാക്കി. മയക്കുമരുന്ന് കടത്തുമായി ബന്ധപ്പെട്ട് കൂടുതൽ വിവരങ്ങൾ ലഭിക്കുന്നതിനായി ഇവരെ ചോദ്യം ചെയ്തു വരികയാണ്.
Post Your Comments