നീരൊഴുക്ക് കുറഞ്ഞു : മുല്ലപ്പെരിയാര്‍ ഡാമിലെ അഞ്ച് ഷട്ടറുകള്‍ അടച്ചു

ഇടുക്കി: മുല്ലപ്പെരിയാര്‍ ഡാമില്‍ തുറന്നിരുന്ന അഞ്ച് ഷട്ടറുകള്‍ അടച്ചു. നീരൊഴുക്ക് കുറഞ്ഞതിനെ തുടര്‍ന്നാണ് ഷട്ടറുകൾ അടച്ചത്. നിലവിലെ ജലനിരപ്പ് 141.90 അടിയാണ്. നാല് ഷട്ടറുകള്‍ 30 സെ.മി ഉയര്‍ത്തിയിട്ടുണ്ട്. 2,300 ഘനയടി വെള്ളമാണ് തമിഴ്നാട് കൊണ്ടുപോകുന്നത്.

മുല്ലപ്പെരിയാര്‍ ഡാമിലെ ജലനിരപ്പ് 142 അടിയായതോടെ യാതൊരു മുന്നറിയിപ്പും നല്‍കാതെ തമിഴ്നാട് ഇന്നലെ രാവിലെ ഷട്ടറുകള്‍ തുറന്നിരുന്നു. ഷ​ട്ട​റു​ക​ള്‍ രാ​ത്രി തു​റ​ക്ക​രു​തെ​ന്ന കേ​ര​ള​ത്തി​ന്‍റെ ആ​വ​ശ്യം മു​ഖ​വി​ല​യ്ക്ക് എ​ടു​ക്കാ​തെയായിരുന്നു തമിഴ്നാടിന്റെ നടപടി. ഇതോടെ പെരിയാറില്‍ നാലടിയിലേറെ ജലനിരപ്പുയര്‍ന്നു.

Read Also : ബൈ​ക്ക് യാ​ത്ര​ക്കി​ടെ നെ​ഞ്ചു​വേ​ദ​ന : യു​വാ​വി​ന് ഫ​യ​ർ​ഫോ​ഴ്സ് ര​ക്ഷ​ക​രാ​യി

രാ​ത്രി​കാ​ല​ത്ത് ഷ​ട്ട​ര്‍ തു​റ​ന്നാ​ല്‍ കേ​ര​ള​ത്തി​ന് മു​ന്നൊ​രു​ക്ക​ങ്ങ​ള്‍ സ്വീ​ക​രി​ക്കാ​ന്‍ പ​രി​മി​തി​ക​ള്‍ ഉ​ണ്ടാ​കു​മെ​ന്ന് ജ​ല​വി​ഭ​വ വ​കു​പ്പു​മ​ന്ത്രി റോ​ഷി അ​ഗ​സ്റ്റി​ന്‍ ചൊ​വ്വാ​ഴ്ച വൈ​കി​ട്ട് വാ​ര്‍​ത്താ​സ​മ്മേ​ള​ന​ത്തി​ല്‍ പ​റ​ഞ്ഞി​രു​ന്നു.

അതേസമയം ഇടുക്കി അണക്കെട്ടിലെ ജലനിരപ്പ് 2400.52 അടിയായി ഉയര്‍ന്നിട്ടുണ്ട്. ഇവിടെ നിന്നും പരമാവധിവെള്ളം മൂലമറ്റം നിലയത്തില്‍ വൈദ്യുതി ഉല്‍പാദനത്തിനായി കൊണ്ടുപോകുന്നുണ്ട്. 2401 അടിയായാല്‍ ഇടുക്കിയില്‍ ഓറഞ്ച് അലേര്‍ട്ട് പ്രഖ്യാപിക്കും.