തിരുവനന്തപുരം: വൃക്ക വിൽക്കാൻ തയാറാകാത്ത ഭാര്യയെ ക്രൂരമായി മർദിച്ച സംഭവത്തിൽ ഭർത്താവ് പോലീസ് പിടിയിൽ. വിഴിഞ്ഞം മുള്ളുമുക്ക് സ്വദേശി സാജനെയാണ് പോലീസ് അറസ്റ്റു ചെയ്തത്. ഇയാളുടെ ഭാര്യ വൃക്ക ദാനം ചെയ്യുന്നതിന് മുന്നോടിയായുള്ള പ്രാഥമിക പരിശോധനകൾ പൂർത്തീകരിച്ചിരുന്നു.
എന്നാൽ തീരദേശം കേന്ദ്രീകരിച്ച് അനധികൃത വൃക്ക വ്യാപാരം നടക്കുന്നതായി വാർത്തകൾ വന്നതിനെത്തുടർന്ന് ഭാര്യ വൃക്ക നൽകാൻ വിസമ്മതിച്ചു. ഇതേതുടർന്ന് സ്ഥിരമായി മദ്യപിച്ചെത്തുന്ന സാജൻ ഭാര്യയെ മർദിക്കുന്നത് പതിവായി.
കഴിഞ്ഞ ദിവസം മദ്യപിച്ചെത്തിയ ഇയാൾ ഭാര്യയെയും കുട്ടികളെയും മർദിച്ചതായി പോലീസിന് പരാതി ലഭിച്ചിരുന്നു. ഇതിന്റെ അടിസ്ഥാനത്തിൽ ഇയാളെ പോലീസ് അറസ്റ്റ് ചെയ്യുകയായിരുന്നു.
Post Your Comments