കേരളത്തിലെ കോവിഡ്​ കണക്കിൽ വൻ പൊരുത്തക്കേടെന്ന്​ കേന്ദ്ര ആരോഗ്യ മന്ത്രാലയം

ന്യൂഡൽഹി: കോവിഡ്​ മരണങ്ങൾ റിപ്പോർട്ടു ചെയ്യുന്നതിൽ കേ​രളം വൻ വീഴ്ചയാണ്‌ വരുത്തുന്നതെന്ന് കേന്ദ്ര ആരോഗ്യ മന്ത്രാലയം. മുൻകാലങ്ങളിൽ റിപ്പോർട്ടു ചെയ്യാതിരുന്നവ കഴിഞ്ഞ മാസങ്ങളിലെ കണക്കിൽ ഉൾപ്പെടുത്തുന്നത്​ അശാസ്​ത്രീയവും, കോവിഡ്​ പ്രതിരോധ പ്രവർത്തനങ്ങളെത്തന്നെ ബാധിക്കുന്നതുമാണെന്ന്​ മന്ത്രാലയം കുറ്റപ്പെടുത്തി. ഇത്തരത്തിൽ മറ്റൊരു സംസ്ഥാനത്തും വലിയ ക്രമക്കേട് ഉണ്ടാകാറില്ലെന്നും കേന്ദ്രം പറഞ്ഞു.

Also Read : അധ്യാപകരെ കൊലപ്പെടുത്തിയ മൂന്ന് ഭീകരരെ സൈന്യം വകവരുത്തി

നവംബർ 22 വരെ ഒരു മാസം​ കേരളം റിപ്പോർട്ട്​ ചെയ്​തത്​ 8,684 കോവിഡ്​ മരണങ്ങളാണ്​. ഇത്​ യഥാർഥമല്ല. ഒരു മാസത്തിനിടെ ഇത്ര മരണം നടന്നിട്ടില്ല. 2020 മാർച്ച്​ മുതൽ 2021 ജൂൺ വരെ​ റിപ്പോർട്ട്​ ചെയ്യാതിരുന്ന മരണങ്ങളത്രയും കഴിഞ്ഞ മൂന്നു മാസത്തെ പട്ടികയിൽ ചേർക്കുകയാണ്​.

മെച്ചപ്പെട്ട പ്രതിരോധ നടപടികൾ വഴി ഏറ്റവും കുറഞ്ഞ മരണ നിരക്കാണ്​ കേരളത്തിൽ​ എന്നായിരുന്നു അവകാശവാദം. എന്നാൽ വളരെ വലിയ ക്രമക്കേട് കോവിഡ് മരണങ്ങൾ റിപ്പോർട്ട്‌ ചെയ്യുന്നതിൽ സംഭവിച്ചിട്ടുണ്ടെന്ന് ആരോഗ്യ മന്ത്രാലയം വ്യക്തമാക്കി.