ഭക്ഷണത്തിനൊപ്പം സവാള നൽകിയില്ല : രോഷാകുലയായ യുവതി തട്ടുകട തല്ലിത്തകർത്തു

ന്യൂഡൽഹി : ഭക്ഷണത്തിനൊപ്പം സവാള ലഭിച്ചില്ലെന്ന് പറഞ്ഞ് വഴിയോരത്ത് സൈക്കിൾ തട്ടുകട തല്ലിത്തകർത്ത് യുവതി. ഇതിന്റെ വീഡിയോയും സോഷ്യൽ മീഡിയയിൽ വൈറലാണ്. വീഡിയോയിൽ, പെൺകുട്ടി ഒരു തെരുവ് കച്ചവടക്കാരനുമായി വഴക്കിടുന്നതും അയാളെ തല്ലുന്നതും ദേഷ്യം വന്നപ്പോൾ അയാളുടെ സൈക്കിളും മറ്റ് സാധനങ്ങളും നശിപ്പിക്കുന്നതും കാണാം.

 

Wo stree hai kuch bhi kar sakti hai pic.twitter.com/IyLB45sZzk

— Madam Maya ™ (@Saffron_Smoke) November 7, 2021

വിൽപനക്കാരൻ പെൺകുട്ടിക്ക് ഭക്ഷണത്തോടൊപ്പം ഉള്ളി നൽകാത്തതിനാൽ മാത്രമാണ് ഇതെല്ലാം സംഭവിച്ചത്. പെൺകുട്ടി വിൽപ്പനക്കാരനോട് ഉള്ളി ആവശ്യപ്പെടുന്നതും വീഡിയോയിൽ കാണാം. എന്നാൽ, ഉള്ളി തീർന്നുവെന്ന് വിൽപ്പനക്കാരൻ പറയുന്നു. ഇതിൽ പ്രകോപിതയായ യുവതി ഇയാളെ ഉപദ്രവിക്കുകയായിരുന്നു. യുവാവ് പണം ചോദിച്ചപ്പോൾ യുവതി അയാളെ ഉപദ്രവിക്കുന്നതും കാണാം. യുവതി വഴക്കിടുന്നത് കണ്ട് മറ്റ് ചിലർ അവളെ സമാധാനിപ്പിക്കാൻ ശ്രമിക്കുന്നുണ്ട്. ഇത് കണ്ട് അവിടെ നിന്നവരും എതിർത്തെങ്കിലും അവർ ആരുടെയും വാക്കുകൾ കേൾക്കാതെ പണം നൽകാൻ വിസമ്മതിച്ചു.