ദില്ലി: ഇന്ത്യയിലേക്ക് നുഴഞ്ഞു കയറാന്‍ ശ്രമിച്ച കള്ളക്കടത്ത് സംഘത്തെ വധിച്ചെന്ന് റിപ്പോർട്ട്‌. രാജ്യത്തേക്ക് പ്രവേശിക്കാൻ ശ്രമിക്കുന്നതിനിടെ സംഘത്തിലെ രണ്ട് പേരെ ബിഎസ്എഫ് ഉദ്യോഗസ്ഥരാണ് വധിച്ചത്. കൊല്ലപ്പെട്ടവർ ബംഗ്ലാദേശ് പൗരന്‍മാരാണെന്ന് സ്ഥിതീകരിച്ചു. ഇന്ന് പുലര്‍ച്ചെ 5 മണിക്കായിരുന്നു ഏറ്റുമുട്ടൽ നടന്നത്.
ഇന്ത്യ-ബംഗ്ലാദേശ് അതിര്‍ത്തിയിലൂടെ രാജ്യത്തേക്ക് കടന്നു കയറാന്‍ ശ്രമിച്ച ഇവരെ ബിഎസ്എഫ് തടയാന്‍ ശ്രമിച്ചു. ഇതിനിടെ കള്ളക്കടത്തുസംഘം ബിഎസ്‌എഫിനു നേരെ വെടിയുതിര്‍ക്കുകയായിരുന്നു . ഇതേ തുടര്‍ന്നുണ്ടായ ഏറ്റുമുട്ടലിലാണ് കള്ളക്കടത്തുകാരായ രണ്ട് പേര്‍ കൊല്ലപ്പെട്ടതെന്നാണ് റിപ്പോർട്ട്‌.
അതേസമയം, ഏറ്റുമുട്ടലില്‍ ഒരു ബിഎസ്എഫ് ജവാനും പരിക്കേറ്റിട്ടുണ്ട്. ഇയാളെ ആശുപത്രിയില്‍ പ്രവേശിപ്പിച്ചിരിക്കുകയാണ്. രാജ്യത്തേക്ക് നുഴഞ്ഞു കയറാൻ ബംഗ്ലാദേശിൽ നിന്നും പാകിസ്ഥാനിൽ നിന്നുമെല്ലാം വലിയ ശ്രമങ്ങൾ നടക്കുന്നതായി റിപ്പോർട്ടുകൾ സൂചിപ്പിക്കുന്നു.
Post Your Comments