രേഖാ ചിത്രം പുറത്തു വിട്ട് പോലീസ്, ഒരേ സമയം മൂന്നു വീടുകളിൽ കവർച്ചാ ശ്രമം നടത്തിയ പ്രതിക്കായി തിരച്ചിൽ

ബേ​പ്പൂ​ര്‍: കള്ളനെ പിടികൂടാൻ രേഖാ ചിത്രവുമായി ബേപ്പൂർ പോലീസ്. സമാനമായ രീതിയിൽ ഒ​രേ ദി​വ​സം രാ​ത്രി​യി​ല്‍ മൂ​ന്നു വീ​ടു​ക​ളി​ല്‍ ന​ട​ന്ന ക​വ​ര്‍​ച്ചാ​ശ്ര​മ​ത്തി​ലെ പ്രതിയുടെ രേഖാ ചിത്രമാണ് പോലീസ് പുറത്തു വിട്ടത്. മോ​ഷ​ണ ശ്ര​മ​ത്തി​നി​ടെ വീ​ണു പ​രു​ക്കേ​റ്റ​പ്പോ​ള്‍ പ്ര​തി​യെ ക​ണ്ട വ്യ​ക്തി ന​ല്‍​കി​യ വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ല്‍ ഡി.​സി.​ആ​ര്‍.​ബി എ​സ്.​ഐ പ്രേ​മ​ദാ​സ് ഇ​രു​വ​ള്ളൂ​രാ​ണ് രേഖാ ചി​ത്രം തയ്യാറാക്കിയത്.

Also Read:ഇറാഖ് പ്രധാനമന്ത്രിക്ക് നേരെ വധശ്രമം: വീട്ടിലേക്ക് ബോംബ് വച്ച ഡ്രോൺ ഇടിച്ചിറക്കി

രേ​ഖാ​ചി​ത്ര​ത്തി​ന്റെ സഹായത്തോടെ കള്ളനെ പെട്ടെന്ന് തന്നെ പിടികൂടാൻ പൊ​തു​ജ​ന​ങ്ങ​ളു​ടെ സ​ഹാ​യം​കൂ​ടി ല​ഭി​ക്കു​മെ​ന്നാ​ണ് പൊ​ലീ​സ് ക​രു​തു​ന്ന​ത്. ക​ഴി​ഞ്ഞ മാസം 18ന്​ ​രാ​ത്രി അ​രീ​ക്ക​ര വ​യ​ല്‍ ഉ​പ്പൂ​ട്ടു​ങ്ങ​ല്‍ ശോ​ഭ​ന, ഫ​ര്‍​ഹ​ത്ത് വി​ല്ല​യി​ല്‍ സൈ​റാ​ബാ​നു, ചാ​ക്കേ​രി​ക്കാ​ട് പ​റ​മ്പ് ചെ​ട്ടി​യാ​ന്‍ വീ​ട്ടി​ല്‍ റ​ഹ്മ​ത്ത് എ​ന്നി​വ​രു​ടെ വീ​ടു​ക​ളി​ല്‍ ന​ട​ന്ന ക​വ​ര്‍​ച്ചാ​ശ്ര​മ​ത്തി​ല്‍ ഒ​ന്നും ന​ഷ്​​ട​പ്പെ​ട്ടി​രു​ന്നി​ല്ല.

അതേസമയം, റഹ്മത്തിൻറെ വീടിന്റെ വാ​തി​ല്‍ ത​ള്ളി​ത്തു​റ​ന്ന് വീ​ട്ടി​ന​ക​ത്തു ക​യ​റി​യ ഉ​ട​നെ, വീ​ട്ടു​കാ​ര്‍ അ​റി​ഞ്ഞ​തി​നെ തു​ട​ര്‍​ന്ന്​ ഓ​ടി​പ്പോ​കു​ന്ന​തി​നി​ട​യി​ലാ​ണ് ക​ള്ള​ന്​ വീ​ണ് പ​രി​ക്കേ​റ്റ​ത്. സി.​സി.​ടി.​വി ദൃ​ശ്യ​ങ്ങ​ള്‍ പ​രി​ശോ​ധി​ച്ച​തി​ല്‍ പൊ​ലീ​സി​ന് പ്ര​തി​യെ​ക്കു​റി​ച്ച്‌ വ്യ​ക്ത​മാ​യ തെ​ളി​വ് ല​ഭി​ച്ചി​ല്ലെ​ങ്കി​ലും രേ​ഖാ​ചി​ത്രം പു​റ​ത്തു വി​ട്ട​തോ​ടു​കൂ​ടി അ​ന്വേ​ഷ​ണം ഊ​ര്‍​ജി​ത​മാ​ക്കി​യി​ട്ടു​ണ്ട്.