ആലപ്പുഴ: പര്‍ദ്ദ ബൈക്കിന്റെ ടയറില്‍ ചുറ്റി റോഡിൽ തെറിച്ചുവീണ വീട്ടമ്മ മരിച്ചു. മകൻ ഓടിച്ച ബൈക്കിന് പിന്നിലിരുന്ന് സഞ്ചരിക്കവെയാണ് മാതാവിന് ദാരുണാന്ത്യം സംഭവിച്ചത്. ആലപ്പുഴ ഇല്ലിക്കൽ പുരയിടം പൂപ്പറമ്പിൽ ഹൗസ് ഓട്ടോഡ്രൈവർ ഹസീമിന്റെ ഭാര്യ സെലീനയാണ് (36) മരിച്ചത്.
വ്യാഴാഴ്ച വൈകിട്ട് കുതിരപ്പന്തി ഷൺമുഖവിലാസം അമ്പലത്തിന് സമീപമായിരുന്നു അപകടം നടന്നത്. മകൻ അജ്മലിനൊപ്പം പോകുമ്പോൾ തെറിച്ചുവീണ് ഗുരുതരമായി പരിക്കേറ്റ സെലീനയെ ആലപ്പുഴ ജില്ല ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ഖബറടക്കം വെള്ളിയാഴ്ച വൈകീട്ട് നാലിന് പടിഞ്ഞാറെ ഷാഫി ജമാഅത്ത് ഖബർസ്ഥാനിൽ.
Post Your Comments