ഡൽഹി: തനിക്കെതിരെ നടക്കുന്നത് വ്യാജപ്രചാരണമാണെന്നും എല്ലാത്തിലും തന്‍റെ പേര് വലിച്ചിഴക്കുന്നത് ചിലരുടെ ശീലമാണെന്നും ആരോപണവുമായി എഐസിസി ജനറൽ സെക്രട്ടറി കെസി വേണുഗോപാൽ രംഗത്ത്. കെപിസിസി ഭാരവാഹി പട്ടിക വൈകാൻ കാരണം താനല്ലെന്നും പട്ടികയുമായി ബന്ധപ്പെട്ട ചർച്ചയിൽ താൻ ഇടപെട്ടിട്ടില്ലെന്നും വേണുഗോപാൽ വ്യക്തമാക്കി.
പല കാര്യങ്ങളും തന്‍റെ തലയിൽ കെട്ടിവെക്കാനാണ് നീക്കമെന്നും അതിനോടൊന്നും താൻ പ്രതികരിക്കാറില്ലെന്നും അദ്ദേഹം പറഞ്ഞു. കെപിസിസി ഭാരവാഹി പട്ടിക തയാറാക്കുന്നതും അതിന്‍റെ മാനദണ്ഡങ്ങൾ നിശ്ചയിച്ചതും സംസ്ഥാന കോൺഗ്രസ് നേതൃത്വമാണെന്നും വേണുഗോപാൽ പറഞ്ഞു.
ഇക്കാര്യത്തിൽ പാർട്ടിക്കകത്ത് ആശയക്കുഴപ്പമില്ലെന്നും പട്ടിക വരുന്നത് ഒന്നോ രണ്ടോ ദിവസം വൈകുന്നത് സ്വാഭാവികമാണെന്നും അദ്ദേഹം വ്യക്തമാക്കി. ഇക്കാര്യത്തിൽ അനാവശ്യ ചർച്ചകളുടെ ആവശ്യമില്ലെന്നും വേണുഗോപാൽ കൂട്ടിച്ചേർത്തു.
Post Your Comments