ബെംഗളുരു: ഭര്‍ത്താവില്ലാത്ത സമയത്ത് വീട്ടിൽ അതിക്രമിച്ചു കയറി യുവതിയെ പെട്രോൾ ഒഴിച്ചു തീകൊളുത്തിക്കൊന്നു. പീഡന ശ്രമം എതിർത്തതാണ് കൊലപാതകത്തിലേക്ക് നയിച്ചത്. ഞായറാഴ്ച്ച രാത്രി പൊള്ളലേറ്റ യുവതിയെ ബെംഗളുരുവിലെ കലബുര്‍ഗി ജില്ലാ ആശുപത്രിയില്‍ എത്തിച്ചെങ്കിലും ആരോഗ്യനില മോശമായതിനെ തുടർന്ന് ചൊവ്വാഴ്ച്ച വൈകുന്നേരത്തോടെ മരണപ്പെടുകയായിരുന്നു.
Also Read:ആര്യന്‍ ഖാനെതിരെ കൂടുതല്‍ കുരുക്കുകള്‍: 21,000 കോടിയുടെ മയക്കുമരുന്ന് കേസ് ദേശീയ അന്വേഷണ ഏജന്‍സിക്ക്
വിവാഹിതയായ പലമ്മ എന്ന യുവതിയുടെ വീട്ടില്‍ ഭർത്താവ് ഇല്ലാത്ത സമയത്ത് അതിക്രമിച്ച്‌ കയറി ബസപ്പ അല്ലല്ലി(25) എന്നയാളാണ് പീഡന ശ്രമം നടത്തിയത്. എന്നാൽ ഇത് തടഞ്ഞതോടെ ഇയാള്‍ പെട്രോള്‍ ഒഴിച്ച്‌ യുവതിയെ കത്തിക്കുകയായിരുന്നു.
ഇയാള്‍ നേരത്തേയും യുവതിയോട് മോശമായി പെരുമാറിയിരുന്നതായി നാട്ടുകാർ പറയുന്നു. ഇതിനെ തുടര്‍ന്ന് ഗ്രാമത്തിലെ മുതിര്‍ന്ന അംഗങ്ങള്‍ ഇയാള്‍ക്ക് താക്കീതും നല്‍കിയെന്നും പറയുന്നു. സംഭവത്തില്‍ കേസ് രജിസ്റ്റര്‍ ചെയ്ത പൊലീസ് പ്രതിയെ അറസ്റ്റ് ചെയ്തു. അന്വേഷണം പുരോഗമിക്കുകയാണ്.
Post Your Comments