കോട്ടയം: കെഎസ്ആര്‍ടിസി ബസ് സ്‌കൂട്ടറിനെ ഓവര്‍ടേക്ക് ചെയ്യുന്നതിനിടെ അപകടം. യുവതിക്ക് ദാരുണാന്ത്യം. മാമ്മൂട് വളവുകുഴി കരിങ്ങണാമറ്റം സണ്ണി-ബിജി ദമ്പതികളുടെ ഏകമകള്‍ സുബി ജോസഫാണ് മരിച്ചത്. കോട്ടയം വാഴൂര്‍ റോഡില്‍ വച്ചായിരുന്നു അപകടം.
പ്രതിശ്രുത വരനൊപ്പം സ്‌കൂട്ടറിന്റെ പിന്‍ സീറ്റിലിരുന്ന് യാത്ര ചെയ്യുകയായിരുന്നു സുബി. ഒരേ ദിശയിലാണ് കെഎസ്ആര്‍ടിസി ബസും സ്‌കൂട്ടറും സഞ്ചരിച്ചിരുന്നത്. കുമളിയില്‍നിന്ന് കായംകുളത്തേക്ക് പോവുകയായിരുന്നു ബസ്. സ്‌കൂട്ടറിനെ ബസ് ഓവര്‍ടേക്ക് ചെയ്യുന്നതിനിടെ സ്‌കൂട്ടര്‍ റോഡില്‍ നിന്നു തെന്നിമാറുകയായിരുന്നു. വീഴ്ചയില്‍ സുബി ബസിനടിയില്‍പ്പെടുകയായിരുന്നു. യുവാവ് അദ്ഭുതകരമായി രക്ഷപ്പെട്ടു. മൃതദേഹം കോട്ടയം മെഡിക്കല്‍ കോളജ് ആശുപത്രി മോര്‍ച്ചറിയില്‍.
Post Your Comments