അബുദാബി: കുടുംബത്തെയും കൂട്ടുകാരെയും സൗജന്യമായി അബുദാബി ചുറ്റിക്കാണിക്കാൻ ഇതാ ഒരു സുവർണാവസരം. അബുദാബിയിലെ താമസക്കാർക്കാണ് ഇത്തരമൊരു അവസരം ലഭിച്ചിരിക്കുന്നത്. അബുദാബി സാംസ്കാരിക-വിനോദസഞ്ചാര വകുപ്പിന്റെ ‘ടൈം ഈസ് നൗ’ എന്ന പുതിയ ക്യാമ്പയിനിലൂടെയാണ് സുഹൃത്തുക്കളെയും കുടുംബാഗങ്ങളെയും സൗജന്യമായി ചുറ്റിക്കാണിക്കാൻ അവസരമൊരുങ്ങുന്നത്.
അബുദാബിയിലെ മനോഹര കാഴ്ചകൾ കാണാൻ സഞ്ചാരികളെ പ്രോത്സാഹിപ്പിക്കുയാണ് ക്യാമ്പെയ്‌ന്റെ ലക്ഷ്യം. മത്സരത്തിൽ പങ്കെടുക്കുന്നതിനായി അബുദാബിയിലെ താമസക്കാർ, എമിറേറ്റിലെ പ്രധാന വിനോദസഞ്ചാര കേന്ദ്രങ്ങൾ സന്ദർശിച്ചതിൽ നിങ്ങൾക്ക് പ്രിയപ്പെട്ട ചിത്രങ്ങൾ ഫേസ്ബുക്കിലോ ഇൻസ്റ്റാഗ്രാമിലോ #InAbuDhabi #TimeIsNow ഹാഷ്ടാഗുകൾ ഉപയോഗിച്ച് @VisitAbuDhabi എന്നതിൽ ടാഗ് ചെയ്ത് പോസ്റ്റ് ചെയ്യണം.
ഒക്ടോബർ ഒന്നു വരെയാണ് മത്സരം. അബുദാബിയിലേക്ക് നിങ്ങൾ കൊണ്ടുവരാൻ ആഗ്രഹിക്കുന്ന രണ്ട് സുഹൃത്തുക്കളുടെയോ കുടുംബാംഗങ്ങളുടെയോ പേരും നൽകണം. നാല് ദിവസം കൂടുമ്പോഴും ഓരോ വിജയികളെ വീതം @VisitAbuDhabi എന്ന സോഷ്യൽ മീഡിയ അക്കൗണ്ടിലൂടെ പ്രഖ്യാപിക്കും. സെപ്തംബർ 20 മുതൽ ഒക്ടോബർ രണ്ട് വരെയുള്ള കാലയളവിലാണ് വിജയികളെ പ്രഖ്യാപിക്കുക. നാല് വിജയികൾക്ക് സൗജന്യ വിമാന ടിക്കറ്റുകളും എമിറേറ്റിലെ ഹോട്ടലുകളിൽ അഞ്ചു ദിവസത്തെ താമസ സൗകര്യവും ലഭിക്കും.
Post Your Comments