കോട്ടയം: മതേതരത്വം സംരക്ഷിക്കുക എന്നത് കോൺഗ്രസ് പാർട്ടിയുടെ ബാധ്യതയാണെന്ന് കെപിസിസി പ്രസിഡന്റ് കെ. സുധാകരൻ എംപി. മതേതരത്വം കോണ്‍ഗ്രസിൻ്റെ സൃഷ്ടിയും കുട്ടിയുമാണെന്നും അത് കാത്തുസൂക്ഷിക്കുകയാണ് ലക്ഷ്യമെന്നും സുധാകരൻ പറഞ്ഞു. ഇവിടെ ശാശ്വതമായ സമാധാന അന്തരീക്ഷം വേണമെന്നും മതേതരത്വമാണ് നമ്മുടെ അസ്തിത്വമെന്നും അദ്ദേഹം കൂട്ടിച്ചേർത്തു. നര്‍ക്കോട്ടിക് ജിഹാദ് വിഷയത്തില്‍ ഇമാമുമായും ബിഷപ്പുമായും ഇക്കാര്യം ചർച്ച ചെയ്യതായും അനുകൂലമായ പ്രതികരണമാണ് ഉണ്ടായതെന്നും സുധാകരന് പറഞ്ഞു.
വിഷയത്തില്‍ പ്രശ്നപരിഹാരത്തിന് കോണ്‍ഗ്രസ് മുന്‍കൈയെടുക്കുകയാണെന്നും സമവായത്തിന് മുന്‍കൈയെടുക്കേണ്ടത് സംസ്ഥാന സർക്കാരായിരുന്നുവെന്നും അദ്ദേഹം പറഞ്ഞു. എന്നാല്‍ സമവായത്തിന് സർക്കാരിന്‍റെ ഭാഗത്തുനിന്ന് ഒരു നീക്കവും ഇതുവരെയുണ്ടായില്ലെന്ന് സുധാകരൻ ആരോപിച്ചു. കോൺഗ്രസിന്റെ നേതൃത്വത്തിൽ എല്ലാവരെയും ഒരുമിപ്പിച്ചുകൊണ്ട് സമവായ ചര്‍ച്ചകള്‍ക്ക് തുടക്കം കുറിച്ചതായും പ്രശ്‌നപരിഹാരത്തിനുള്ള നടപടികളിലേക്ക് കടക്കുകയാണെന്നും അദ്ദേഹം പറഞ്ഞു.
Post Your Comments