ജോധ്പൂര്‍: പ്രായപൂർത്തിയാകാത്ത സഹോദരിയെ പിതാവ് ബലാത്സംഘം ചെയ്തതിൽ മനം നൊന്ത് സഹോദരൻ ആത്മഹത്യ ചെയ്തു. രാജസ്ഥാനിലെ ജലോര്‍ ജില്ലയിലാണ് സംഭവം. പ്രായപൂര്‍ത്തിയാകാത്ത സ്വന്തം മകളെ പിതാവ് ബലാത്സംഗം ചെയ്തതായി പരാതി ലഭിച്ചതിനു പിറകെയാണ് സഹോദരന്റെ ആത്മഹത്യ.
Also Read:‘ചിതാഗ്നി’ എത്തി : ഉറ്റവരുടെ ചിതയ്ക്ക് ഇനി മുതൽ ദൂരദേശത്ത് ഇരുന്നും ഓൺലൈനായി തീ കൊളുത്താം
പിതാവ് തന്നെ ക്രൂരമായി ബലാത്സംഘം ചെയ്ത വിവരം പെണ്‍കുട്ടി തന്റെ അടുത്ത ബന്ധുവിനോട് വിവരിക്കുന്നതിന്‍റെ ഓഡിയോ പുറത്തായതോടെയാണ് സഹോദരന്‍ ആത്മഹത്യ ചെയ്യാൻ തീരുമാനിച്ചതെന്നാണ് പോലീസിന്റെ പ്രാഥമിക നിഗമനം. 32 മിനിറ്റ് നീണ്ട ഓഡിയോ ക്ലിപ്പിന്‍റെ അടിസ്ഥാനത്തില്‍ ശനിയാഴ്ച പൊലീസ് അന്വേഷണം ആരംഭിച്ചിരുന്നു. അതേദിവസം തന്നെയാണ് പെണ്‍കുട്ടിയുടെ സഹോദരന്‍ സച്ചോര്‍ പ്രദേശത്തെ നര്‍മദ കനാലില്‍ ചാടി ആത്മഹത്യ ചെയ്തതും.
എന്നാൽ പ്രതിയെ അറസ്റ്റ് ചെയ്യാൻ പൊലീസ് സംഘം പെണ്‍കുട്ടിയുടെ വീട്ടിലെത്തുന്നതിന് മുൻപ് തന്നെ പിതാവ് ഇവിടെനിന്നും കടന്നുകളഞ്ഞിരുന്നു. ഇയാള്‍ക്കായി സ്ഥലത്ത് പോലീസ് അന്വേഷണം ഊർജ്ജിതമാക്കിയിട്ടുണ്ട്. മൊബൈല്‍ ഫോണ്‍ വാങ്ങി നല്‍കാമെന്ന് പറഞാണ് പെണ്‍കുട്ടിയെ പിതാവ് കാറില്‍ കയറ്റികൊണ്ടുപോയി ബലാത്സംഗം ചെയ്തത്. മുൻപും ഇതുപോലെ ഉറക്കത്തില്‍ പിതാവ് തന്നെ ലൈംഗികാക്രമണത്തിന് വിധേയമാക്കിയതായും പെൺകുട്ടി കേസിൽ പോലീസിന് മൊഴി നൽകിയിട്ടുണ്ട്.
Post Your Comments