17 കാരിയെ പീഡിപ്പിച്ച യുവാക്കൾക്കെതിരെ കേസ്: പെൺകുട്ടിയെ കണ്ടെത്തിയത് തിരുവനന്തപുരത്തെ കാമുകനൊപ്പം

വൈ​ക്കം: പ്രാ​യ​പൂ​ർ​ത്തി​യാ​കാ​ത്ത പെ​ണ്‍​കു​ട്ടി​യെ പീഡിപ്പിച്ച കേസിൽ രണ്ട് പേർക്കെതിരെ കേസ്. പെൺകുട്ടിയെ പ്രലോഭിപ്പിച്ച് ശാരീരികമായി ദുരുപയോഗം ചെയ്ത യുവാക്കളെയാണ് പോലീസ് അറസ്റ്റ് ചെയ്തത്. വൈക്കം സ്വദേശിനിയായ പെൺകുട്ടിയെ പീഡിപ്പിച്ച കേസിൽ പാ​ല​ക്കാ​ട് വ​ണ്ടി​ത്താവ​ളം സ്വ​ദേ​ശി രാ​ജേഷി(21) നെയാണ് പോലീസ് അറസ്റ്റ് ചെയ്തത്.

ഫേസ്‌ബുക്ക് വഴിയാണ് ഇരുവരും പരിചയപ്പെട്ടത്. പരിചയം മുതലെടുത്ത് യുവാവ് പെൺകുട്ടിയെ കാണാൻ വൈക്കത്തെത്തി. ഇരുവരും കായലോ​ര ബീ​ച്ചി​ൽ വെച്ച് കണ്ടുമുട്ടി. പിന്നീട് സൗഹൃദം മുതലെടുത്ത് പെ​ണ്‍​കു​ട്ടി​യു​ടെ വ​യോ​ധി​ക​യാ​യ ബ​ന്ധു ത​നി​ച്ചു താ​മ​സി​ക്കു​ന്ന വീട്ടിലെത്തിച്ച് യുവാവ് പീഡിപ്പിക്കുകയായിരുന്നു. കുറച്ച് ദിവസങ്ങൾക്ക് മുൻപ് പെൺകുട്ടിയെ കാണാതാവുകയും തുടർന്ന് നടത്തിയ അന്വേഷണത്തിൽ തി​രു​വ​ന​ന്ത​പു​രം സ്വ​ദേ​ശി​യാ​യ മ​റ്റൊ​രു യു​വാ​വി​നൊ​പ്പം കണ്ടെത്തുകയുമായിരുന്നു. പെൺകുട്ടിയുടെ മാതാപിതാക്കളുടെ പരാതിയെ തുടർന്നാണ് പോലീസ് അന്വേഷണം നടത്തിയത്.

Also Read:‘ഇതിനെയൊക്കെ അലങ്കാരം ആയി കാണരുത്, അവരും മനുഷ്യരാണ് : ആരോഗ്യമന്ത്രിയുടെ പോസ്റ്റിൽ പൊങ്കാല

യുവാവിനൊപ്പം കണ്ടെത്തിയ പെൺകുട്ടിയെ വൈ​ദ്യ​പ​രി​ശോ​ധ​ന​യ്ക്കു വി​ധേ​യ​യാ​ക്കി​യപ്പോഴാണ് ശാരീരിക പീഡനത്തിന് ഇരയായതായി വ്യക്തമായത്. തിരുവനന്തപുരത്തുള്ള യുവാവുമായി പെൺകുട്ടി അടുപ്പത്തിലായതും ഫേസ്‌ബുക്ക് വഴിയാണ്. അടുപ്പം മുതലെടുത്ത് യുവാവ് പെൺകുട്ടിയെ പ്രലോഭിപ്പിച്ച് കടത്തിക്കൊണ്ടു പോവുകയായിരുന്നുവെന്നാണ് പോലീസ് വ്യക്തമാക്കുന്നത്. യുവാക്കൾക്കെതിരെ പോക്സോ നിയമപ്രകാരം പോലീസ് കേസെടുത്തു.