കാബൂൾ: കാബൂളിലെ വിമാനത്താവളത്തിനു സമീപം നിർത്തിയിട്ടിരുന്ന സ്ഫോടക വസ്തുക്കൾ നിറച്ച വാഹനത്തിനു നേരെ ഡ്രോണാക്രമണമാണ് നടത്തിയതെന്ന് യു എസ്. അഫ്ഗാനിസ്താനിലെ ഹാമിദ് കർസായി വിമാനത്താവളത്തിനു സമീപം ഭീഷണിയുയർത്തിയ ഐ എസ്- കെ ഭീകരനെ കൊലപ്പെടുത്തിയതായും യു എസ് അറിയിച്ചു. യു എസ് സൈനിക വക്താവ് ബിൽ അർബനെ ഉദ്ധരിച്ച് സി.എൻ.എൻ ആണ് ഇക്കാര്യം റിപ്പോർട്ട് ചെയ്തത്.
വിജയകരമായി ലക്ഷ്യം പൂർത്തിയാക്കാൻ കഴിഞ്ഞുവെന്നും അദ്ദേഹം പറഞ്ഞു. വാഹനത്തിൽ ഗണ്യമായ അളവിൽ സ്ഫോടക വസ്തുക്കൾ ഉണ്ടായിരുന്നുവെന്നാണ് സ്ഫോടനത്തിൽ നിന്നു മനസ്സിലാക്കുന്നതെന്ന് അദ്ദേഹം വിശദമാക്കി. സ്ഫോടനത്തിൽ മറ്റാരെങ്കിലും ഉൾപ്പെട്ടിട്ടുണ്ടോയെന്ന് അന്വേഷിച്ചുവരികയാണെന്നും കൂടുതൽ വിവരങ്ങളൊന്നും ലഭ്യമായിട്ടില്ലെന്നും അദ്ദേഹം കൂട്ടിച്ചേർത്തു.
Post Your Comments