ന്യൂഡൽഹി: ജനങ്ങൾക്ക് ഓണാശംസകൾ നേർന്ന് ഉപരാഷ്ട്രപതി എം വെങ്കയ്യ നായിഡു. പ്രകൃതിയുടെ ചൈതന്യവും സമൃദ്ധിയും ആഘോഷിക്കാനുള്ള അവസരമാണിതെന്ന് അദ്ദേഹം പറഞ്ഞു. ഓണത്തിന്റെ ശുഭകരമായ അവസരത്തിൽ രാജ്യത്തെ ജനങ്ങൾക്ക് ഹൃദയം നിറഞ്ഞ ആശംസകളും നന്മകളും നേരുന്നുവെന്നും അദ്ദേഹം വ്യക്തമാക്കി.
ഐതിഹാസിക രാജാവായ മഹാബലിയുടെ ഓർമ്മകളെയാണ് ഓണം ആദരിക്കുന്നത്. ഓണസദ്യയെ കുറിച്ചും പൂക്കളത്തെ കുറിച്ചുമെല്ലാം അദ്ദേഹം പരമാർശിക്കുകയും ചെയ്തു. പൂക്കളുടെ വർണ്ണാഭമായ ഈ ഉത്സവം കുടുംബാംഗങ്ങൾക്കും സുഹൃത്തുക്കൾക്കും ഒത്തുചേരാനും പരമ്പരാഗത കളികൾ, സംഗീതം, നൃത്തം എന്നിവയിൽ മുഴുകുവാനും ശ്രേഷ്ഠമായ ‘ഓണസദ്യ’യിൽ പങ്കെടുക്കുവാനുമുള്ള അവസരമാണ്. ഈ ഉത്സവം നമ്മുടെ രാജ്യത്ത് സമാധാനവും സമൃദ്ധിയും സന്തോഷവും നൽകട്ടെയെന്നും അദ്ദേഹം ആശംസിച്ചു. ഓണം കോവിഡ് പ്രോട്ടോകോൾ പാലിച്ചായിരിക്കണം ആഘോഷിക്കേണ്ടതെന്ന് അദ്ദേഹം മുന്നറിയിപ്പ് നൽകി.
Post Your Comments