കാനഡയിലെത്താനായിരുന്നു ആ സാഹസം: കണ്ണീര്‍ ചിത്രമായി യുഎസ്​ വിമാനത്തില്‍ നിന്നുവീണ അഫ്​ഗാന്‍ ബാലന്മാ​ര്‍

കാബൂൾ: പതിനേഴുകാരനായ റെസയും 16 വയസ്സുള്ള സഹോദരന്‍ കബീറും താലിബാന്‍ ഭരണത്തിന്‍ കീഴില്‍ ജീവിതം അനുഭവിച്ചിട്ടില്ലാത്ത അഫ്ഗാന്‍ യുവാക്കളില്‍ ഉള്‍പ്പെട്ടവരായിരുന്നു. താലിബാന്‍ ഭരണത്തിന്‍ കീഴില്‍ ജീവന്‍ ഭയന്ന് രക്ഷപ്പെടാനുള്ള തീവ്ര ശ്രമത്തിലാണ് തിങ്കളാഴ്ച രണ്ട് സഹോദരങ്ങളും വിമാനത്താവളത്തിലേക്ക് പുറപ്പെട്ടത്. നഗരം കീഴടക്കിയ താലിബാനില്‍നിന്ന്​ രക്ഷതേടി ഓടിയെത്തി കാത്തിരിക്കുന്നതിനിടെ അമേരിക്കന്‍ സൈനിക വിമാനം വന്നിറങ്ങിയതും രണ്ടുപേരും ചാടിക്കയറി.

അകത്തുസീറ്റില്ലാത്തതിനാല്‍ കയറിപ്പറ്റാനായത്​ വിമാനത്തിന്​ പുറത്ത്​. അതിവേഗം പറന്നുയര്‍ന്ന വിമാനം കുത്തനെ മുകളിലേക്ക്​ കയറുന്നതിനിടെ​ ഇവര്‍ താഴേക്കു പതിച്ചിരുന്നു. കാമറയില്‍ പതിഞ്ഞ ചിത്രങ്ങളില്‍ ലോകത്തിന്‍റെ കണ്ണുടക്കി. വിഡിയോ വളരെപ്പെ​ട്ടെന്ന്​ വൈറലായി. നാട്ടുകാര്‍ ഓടിയെത്തി മൃതദേഹങ്ങള്‍ പെറു​ക്കിയെടുത്തു. ഛിന്നഭിന്നമായി പോയ ഇവയില്‍നിന്ന്​ റിസയുടെത് കുടുംബം​ തിരിച്ചറിഞ്ഞു. കബീറിന്‍റെത്​ ഇനിയും ലഭിച്ചിട്ടില്ല.

മൊത്തം മൂന്നു പേരാണ്​ ഇതേ വിമാനത്തില്‍നിന്ന്​ താഴേക്കു പതിച്ചത്​. അവരുടെ മരണം ക്യാമറയില്‍ പതിഞ്ഞത് ലോകം കണ്ടപ്പോഴും അവരുടെ ശ്രമം നിര്‍ഭാഗ്യകരമായ വഴിത്തിരിവായി. (പ്രായപൂര്‍ത്തിയാകാത്ത രണ്ട് പേരുടെ പേരുകള്‍ റിപ്പോര്‍ട്ടില്‍ മാറ്റം വരുത്തിയിട്ടുണ്ട്.)

യുഎസ് സൈനിക വിമാനത്തില്‍ നിന്ന് വീണ് ജീവന്‍ നഷ്ടപ്പെട്ട മൂന്ന് പേരില്‍ റെസയും കബീറും ഉള്‍പ്പെടുന്നു. അഫ്ഗാനിസ്ഥാന്‍ വിടാന്‍ ആഗ്രഹിച്ച മൂന്നു പേരും വിമാനത്തിന്റെ ചക്രങ്ങളില്‍ പറ്റിപ്പിടിച്ചിരുന്നു.കാബൂള്‍ വിമാനത്താവളത്തില്‍ നിന്ന് വിമാനം പറന്നുയര്‍ന്നപ്പോള്‍ മൂന്ന് പേരുടെയും പിടി അയഞ്ഞു. അവര്‍ ആകാശത്ത് ഒരു ചെറിയ പുള്ളി പോലെ പ്രത്യക്ഷപ്പെട്ടു. വിചിത്രമായ സംഭവം ക്യാമറയില്‍ പതിഞ്ഞു. വീഡിയോ വൈറലായി, ലോകത്തെ ഞെട്ടിച്ചു.

വിമാനത്തില്‍ നിന്ന് ആളുകള്‍ വീഴുന്നത് കണ്ടവര്‍ മൃതദേഹങ്ങള്‍ കണ്ടെത്തി വിമാനത്താവളത്തിന് പുറത്ത് കൊണ്ടുപോകാന്‍ സഹായിച്ചു. കുടുംബം റെസയുടെ തകര്‍ന്ന മൃതദേഹം തിരിച്ചറിഞ്ഞെങ്കിലും കബീറിനെ ഇതുവരെ കണ്ടെത്താനായിട്ടില്ല.’അവന്റെ കാലുകളും കൈകളും പോയി. ഞാന്‍ അവനെ തിരികെ കൊണ്ടുവന്നു,’ രണ്ട് ആണ്‍കുട്ടികളുടെ കുടുംബാംഗങ്ങളില്‍ ഒരാള്‍ പറയുന്നു. കബീറിനെ മരിച്ചോ ജീവനോടെയോ കണ്ടെത്തുമെന്ന് ഞങ്ങള്‍ പ്രതീക്ഷിക്കുന്നു, കുടുംബാംഗം പറഞ്ഞു.’വീട്ടില്‍ ആരോടും പറയാതെ അവര്‍ ഐഡി എടുത്ത് എയര്‍പോര്‍ട്ടിലേക്ക് പോയി,’ കുടുംബാംഗം പറഞ്ഞു.

താലിബാന്‍ ആളുകളെ കൊല്ലുകയാണെന്ന് അദ്ദേഹം
കുറ്റപ്പെടുത്തി, എല്ലാവരും ഒളിച്ചോടാന്‍ ശ്രമിക്കുന്നത് താലിബാനെക്കുറിച്ചുള്ള ഭയമാണെന്നും പറഞ്ഞു. രണ്ട് ആണ്‍കുട്ടികളും അവരുടെ അയല്‍വാസികളില്‍ നിന്ന് 20,000 പേരെ കാനഡയിലേക്കോ അമേരിക്കയിലേക്കോ മാറ്റിപ്പാര്‍പ്പിക്കുമെന്ന് കേട്ടിരുന്നു. ഇതിനെ തുടർന്ന് വിമാനത്താവളത്തിലേക്ക് രക്ഷപ്പെടാനായിരുന്നു അവർ ശ്രമിച്ചത്.