കാബൂള്‍: അഫ്ഗാനിസ്താനില്‍ സാധാരണക്കാര്‍ക്ക് എതിരായ താലിബാന്‍ ക്രൂരതയുടെ ദൃശ്യങ്ങളാണ് പുറത്തുവരുന്നത്. കാബൂളില്‍ നിന്ന് പുറത്തുകടക്കാനായി എയര്‍പോര്‍ട്ടിലേയ്ക്ക് പ്രവേശിക്കാന്‍ ശ്രമിച്ചയാള്‍ക്കെതിരെ താലിബാന്‍ ഭീകരന്‍ വെടിയുതിര്‍ക്കുന്നതിന്റെ ദൃശ്യങ്ങള്‍ പുറത്തുവന്നിട്ടുണ്ട്. വാര്‍ത്താ ഏജന്‍സിയായ അസ്വാക ന്യൂസാണ് ഞെട്ടിക്കുന്ന വീഡിയോ ട്വിറ്ററിലൂടെ പുറത്തുവിട്ടത്.
‘കാബൂള്‍ എയര്‍പോര്‍ട്ടിലേയ്ക്ക് കടക്കാന്‍ ശ്രമിച്ചയാളെ ലക്ഷ്യമിട്ട് താലിബാന്റെ പോരാളി വെടിയുതിര്‍ക്കുന്നു. മുന്‍ സര്‍ക്കാരിന്റെ പോലീസിന് സമാനമായ പെരുമാറ്റമായിരിക്കാം ആ മനുഷ്യന്‍ താലിബാനില്‍ നിന്നും പ്രതീക്ഷിച്ചിട്ടുണ്ടാകുക. എന്നാല്‍ കാര്യങ്ങള്‍ അങ്ങനെയല്ല. താലിബാന്റെ ഭാഷ വ്യത്യസ്തമാണ്’ – അസ്വാക ന്യൂസ് ട്വിറ്ററില്‍ കുറിച്ചു.
Taliban Fighter shooting on a man trying to enter to the #kabulairport, He actually expected the Taliban to behave like the police of the previous Government, while No, Taliban speak another language of behavior. pic.twitter.com/3T8tcl4joY
— Aśvaka – آسواکا News Agency (@AsvakaNews) August 17, 2021
വലിയ മതില്‍ കടന്ന് കാബൂള്‍ എയര്‍പോര്‍ട്ടിലേയ്ക്ക് പ്രവേശിക്കാന്‍ ശ്രമിച്ചയാള്‍ക്ക് നേരെയാണ് താലിബാന്‍ ഭീകരന്‍ വെടിയുതിര്‍ത്തത്. കറുപ്പ് വസ്ത്രം ധരിച്ച് തോക്കുമായി നില്‍ക്കുന്ന ഭീകരന്‍ മതിലിന് മുകളിലിരിക്കുന്ന ആളെ ലക്ഷ്യമിട്ട് വെടിയുതിര്‍ക്കുകയായിരുന്നു. വെടിയേറ്റില്ലെങ്കിലും മതിലിന് മുകളില്‍ ഇയാള്‍ ഇരുന്നതിന്റെ വളരെ അടുത്തായാണ് വെടിയുണ്ട തറച്ചുകയറിയത്. ഉടന്‍ തന്നെ ഇയാള്‍ മറുഭാഗത്തേയ്ക്ക് ചാടി രക്ഷപ്പെടുന്നതും വീഡിയോയില്‍ കാണാം.
Post Your Comments