തിരുവനന്തപുരം: മുഖ്യമന്ത്രി പിണറായി വിജയനെ മഹാത്മാവായി പുകഴ്ത്തി നിയമസഭയില്‍ ഭക്ഷ്യമന്ത്രി ജിആര്‍ അനില്‍. ഭക്ഷ്യവകുപ്പിന്റെ ധനാഭ്യര്‍ഥന ചര്‍ച്ചയുടെ മറുപടിയിലായിരുന്നു മന്ത്രി അനിൽ മുഖ്യമന്ത്രിയെ മഹാത്മാവായി ചിത്രീകരിച്ചത്.
‘ഏതൊരാളിന്റെ ഹൃദയമാണ് പാവപ്പെട്ടവര്‍ക്കുവേണ്ടി തുടിക്കുന്നത്, അയാളാണ് മഹാത്മാവ്’ എന്ന സ്വാമി വിവേകാനന്ദന്റെ വാക്കുകള്‍ ഉദ്ധരിച്ച മന്ത്രി, വിവേകാനന്ദന്‍ പറഞ്ഞ വാക്കുകള്‍ അതേ രൂപത്തില്‍ അന്വര്‍ഥ്വമാക്കുന്ന ഒരാളാണ് മുഖ്യമന്ത്രി പിണറായി വിജയനെന്നും വ്യക്തമാക്കുകയായിരുന്നു.
സംസ്ഥാനം കഴിഞ്ഞ അഞ്ചുവര്‍ഷവും ഇപ്പോഴും പ്രയാസകരമായ സാഹചര്യത്തെ നേരിടുകയാണെന്നും ജനങ്ങളുടെ ദുരിതമകറ്റാന്‍ ഉയര്‍ന്ന പ്രവര്‍ത്തനമാണ് ഇടത്പക്ഷ സര്‍ക്കാര്‍ സ്വീകരിക്കുന്നതെന്നും മന്ത്രി അനില്‍ പറഞ്ഞു.
Post Your Comments