കരുവന്നൂർ ബാങ്കിനെ നഷ്ടത്തിലേക്ക് നയിക്കാൻ ഗുണനിലവാരമില്ലാത്ത മരുന്ന് ശേഖരവും കാരണമായി: മെഡിക്കൽ സ്റ്റോറിലും തട്ടിപ്പ്

തൃശൂര്‍: കരുവന്നൂർ ബാങ്കിനെ നഷ്ടത്തിലേക്ക് നയിക്കാൻ ഗുണനിലവാരമില്ലാത്ത മരുന്ന് ശേഖരവും കാരണമായെന്ന് റിപ്പോർട്ട്. ബാങ്കി​ന്റെ നിയന്ത്രണത്തിലുള്ള നീതി മെഡിക്കല്‍ സ്​റ്റോറുകളിലേക്ക് ഗുണനിലവാരമില്ലാത്ത മരുന്നുകള്‍ വാങ്ങിയതിലൂടെ 1.15 കോടിയുടെ നഷ്​ടമുണ്ടായതായി കണ്ടെത്തിയിട്ടുണ്ട്.

Also Read:പ്രണയ നൈരാശ്യത്തില്‍ 3115 പേര്‍: മൂന്ന് വര്‍ഷത്തിനിടെ രാജ്യത്ത് ആത്മഹത്യ ചെയ്ത കുട്ടികളുടെ കണക്കുകൾ ഞെട്ടിപ്പിക്കുന്നത്

രജിസ്​ട്രാറുടെ താക്കീതിനു ചെവികൊടുക്കാതെ ഗുണനിലവാരമില്ലാത്ത മരുന്നുകൾ വീണ്ടും നീതി സ്റ്റോറിലേക്ക് വാങ്ങുകയായിരുന്നു. ഇടപാട് രേഖപ്പെടുത്തിയ ഓഡിറ്റ് റിപ്പോർട്ട്‌ പൂഴ്ത്തിവച്ചിരുന്നു. 91.43 ലക്ഷം രൂപ മുന്‍കൂര്‍ അനുവദിച്ചതായി ഓഡിറ്റ് റിപ്പോര്‍ട്ടില്‍ പറയുന്നുണ്ട്. മൂന്ന് നീതി സ്​റ്റോറുകളില്‍നിന്ന് 2019-20 സാമ്പത്തിക വര്‍ഷത്തില്‍ മാത്രം 10.28 ലക്ഷത്തി​ന്റെ വസ്തുക്കള്‍ കാണാതായി. ഇതി​ന്റെ നഷ്​ടം ചുമതലയുണ്ടായിരുന്ന ജീവനക്കാരില്‍നിന്ന് ഈടാക്കാനായിരുന്നു ഓഡിറ്റ് നിര്‍ദേശം. ഇതും അവഗണിക്കുകയായിരുന്നു.

വളം വില്‍പന, റബ്കോ ഉല്‍പന്ന കേന്ദ്രങ്ങൾ, ഹാര്‍ഡ് വെയര്‍-ഗ്യാസ് ഏജന്‍സി, സൂപ്പര്‍മാര്‍ക്കറ്റ്, എന്നിവിടങ്ങളിലുമായി 1.69 കോടിയുടെ വസ്തുക്കള്‍ സ്​റ്റോക്കില്‍ കാണാനില്ലെന്നും പൂഴ്ത്തിവെച്ച ഓഡിറ്റ് റിപ്പോര്‍ട്ടില്‍ പറയുന്നുണ്ട്.