ബുഡാപെസ്റ്റ്: ലോകം ആകാംഷയോടെ ഉറ്റുനോക്കുകയാണ് ടോക്യോ ഒളിമ്പിക്സ്. ഭാരോദ്വഹനത്തില്‍ മീരാഭായ് ചാനു വെള്ളി മെഡൽ സ്വാന്തമാക്കി ഇന്ത്യയ്ക്ക് അഭിമാനമായി. ഈ മെഡൽ തിളക്കത്തിന്‍റെ ആഘോഷം തീരും മുമ്പേ റസ്ലിങ് താരം പ്രിയ മാലിക്കിനെയും ആഘോഷമാക്കി സമൂഹമാധ്യമങ്ങള്‍. ലോക കേഡറ്റ് റസ്ലിങ് ചാമ്ബ്യന്‍ഷിപ്പിലെ പ്രിയ മാലിക്കിന്‍റെ സ്വര്‍ണ നേട്ടമാണ് സമൂഹമാധ്യമങ്ങള്‍ ആഘോഷമാക്കിയത്. ഈ നേട്ടം ഒളിമ്ബിക്സിലാണെന്ന് തെറ്റിദ്ധരിച്ച്‌ അഭിനന്ദനങ്ങള്‍ നേർന്ന് പ്രമുഖരുമെത്തി.
read also: മണ്ണിടിച്ചിൽ: മലയുടെ ഒരു ഭാഗം ഇടിഞ്ഞ് താഴേക്ക് പതിച്ചു, 9 മരണം
ജൂലൈ 19 മുതല്‍ ഹംഗറിയിലെ ബുഡാപെസ്റ്റില്‍ നടന്ന കേഡറ്റ് വേള്‍ഡ് ചാമ്ബ്യന്‍ഷിപ്പിലാണ് പ്രിയ നേട്ടം സ്വന്തമാക്കിയത്. ഈ സംഭവം ഞായറാഴ്ച സമൂഹമാധ്യമങ്ങളും കേന്ദ്ര മന്ത്രിമാരും അടക്കമുള്ളവര്‍ വന്‍തോതില്‍ ആഘോഷമാക്കുകയായിരുന്നു. 2019 ല്‍ പൂനെയിലെ ഖേലോ ഇന്ത്യ മത്സരത്തിലും 2019 ല്‍ ദില്ലിയില്‍ 17-ാമത് സ്‌കൂള്‍ ഗെയിംസിലും, 2020 ല്‍ പട്നയില്‍ നടന്ന ദേശീയ കേഡറ്റ് ചാമ്ബ്യന്‍ഷിപ്പിലും പ്രിയ സ്വര്‍ണ്ണം നേടിയിരുന്നു.
കേഡറ്റ് വേള്‍ഡ് ചാമ്ബ്യന്‍ഷിപ്പില്‍ പ്രിയയെ പോലെ 43 കിലോ വിഭാഗത്തില്‍ തന്നുവും 46 കിലോ വിഭാഗത്തില്‍ കോമളും സ്വര്‍ണ മെഡല്‍ നേടിയിട്ടുണ്ട്. എന്നാൽ ഇത് ആരും ശ്രദ്ധിച്ചിട്ടില്ല.
Post Your Comments