ഊർജ്ജം നൽകിയ പ്രാർത്ഥനകൾക്ക് നന്ദി: മെഡൽ രാജ്യത്തിന് സമർപ്പിക്കുന്നുവെന്ന് മീരാഭായ് ചാനു

‌ടോക്യോ : രാജ്യത്തെ ജനങ്ങൾക്ക് നന്ദി പറഞ്ഞ് ഒളിമ്പിക്സ് വെള്ളിമെഡൽ ജേതാവ് മീരാഭായ് ചാനു. നൂറുകോടി പേരുടെ പ്രാർത്ഥനയ്‌ക്ക് നന്ദി . മെഡൽ രാജ്യത്തിനു സമർപ്പിക്കുന്നുവെന്നും മീരാഭായ് ചാനു പറഞ്ഞു.

സ്വപ്നം യാഥാർത്ഥ്യമായെന്നും മീരാഭായ് ചാനു പറഞ്ഞു. ഈ യാത്രയ്‌ക്ക് തനിക്ക് ഊർജ്ജം നൽകിയ പ്രാർത്ഥനകൾക്ക് നന്ദി പറയുന്നതായും ചാനു വ്യക്തമാക്കി. തന്നെ വിശ്വസിച്ച് ഒരുപാട് ത്യാഗമനുഷ്ഠിച്ച അമ്മയേയും കുടുംബത്തേയും ഈ അവസരത്തിൽ നന്ദിയോടെ സ്മരിക്കുന്നുവെന്നും ചാനു കൂട്ടിച്ചേർത്തു. കേന്ദ്രസർക്കാരിനും കായിക വകുപ്പിനും വിവിധ കായിക സ്ഥാപനങ്ങൾക്കും നന്ദിയറിയിച്ച ചാനു കോച്ച് വിജയ് ശർമ്മയ്‌ക്കും പ്രത്യേക നന്ദി രേഖപ്പെടുത്തി.

Read Also : ‘വിജയ് ദേവർകൊണ്ടയെ പെണ്ണുങ്ങൾ കണ്ടാൽ കടിച്ച് പറിച്ച് തിന്നും’: നടൻ ഷിജു

49 കിലോഗ്രാം ഭാരോദ്വഹനത്തിലാണ് ചാനു ഇന്ത്യയ്‌ക്ക് വേണ്ടി വെള്ളി നേടിയത്. റെയിൽവേയുടെ താരമായ ചാനു ഇന്ത്യയ്‌ക്ക് വേണ്ടി കോമൺവെൽത്ത് ഗെയിംസിലും ലോക ചാമ്പ്യൻഷിപ്പിലും സ്വർണമെഡലുകൾ നേടിയിട്ടുണ്ട്.