ഓക്​സിജന്‍ ക്ഷാമവും മരണവും സംസ്ഥാനങ്ങൾ നൽകേണ്ട കണക്ക് : രാഹുലിന്​ ഇറ്റാലിയൻ ഭാഷയിൽ മറുപടിയുമായി ഗിരിരാജ്​ സിങ്​

ന്യൂഡല്‍ഹി: രാജ്യത്ത്​ കോവിഡ്​ രണ്ടാം തരംഗത്തിനിടെ ഓക്​സിജന്‍ ലഭിക്കാതെ ആരെങ്കിലും മരിച്ചതായി സംസ്ഥാനങ്ങൾ റിപ്പോർട്ട് നൽകിയിട്ടില്ലെന്ന കേന്ദ്രത്തിന്‍റെ വാദത്തില്‍ കൊമ്പ് കോര്‍ത്ത്​ കോണ്‍ഗ്രസും ബി.ജെ.പിയും. കേന്ദ്രത്തിന് സംസ്ഥാനങ്ങൾ ഇതുവരെ ഓക്സിജൻ ക്ഷാമം മൂലമുള്ള മരണത്തിന്റെ റിപ്പോർട്ട് നൽകിയിട്ടില്ല എന്നാണ് മന്ത്രി പാർലമെന്റിൽ പറഞ്ഞത്. എന്നാൽ ഇതിനെതിരെ വാളെടുത്തിരിക്കുകയാണ് പ്രതിപക്ഷം.

‘ഇവിടെ​ ഓക്​സിജന്‍റെ അഭാവം മാത്രമല്ല, സത്യത്തിന്‍റെയും സംവേദന ക്ഷമതയുടെയും അഭാവമുണ്ട്​. അന്നും ഇന്നും’ -എന്നായിരുന്നു രാഹുലിന്‍റെ ട്വീറ്റ്​

രാഹുലിന്‍റെ വിമര്‍ശനങ്ങള്‍ക്ക്​ എതിരെ ഇറ്റാലിയൻ ഭാഷയിൽ രംഗത്തെത്തുകയായിരുന്നു ബി.ജെ.പി നേതാവും കേന്ദ്രമന്ത്രിയുമായ​ ഗിരിരാജ്​ സിങ്​.

ഗിരിരാജ്​ സിങ്ങിന്‍റെ ട്വീറ്റ്​. ഇങ്ങനെ

‘Di questo principe direi: gli mancava il cervello allora, gli manca ora e gli mancherà per sempre. Questi elenchi sono compilati dagli stati. Puoi dire agli stati governati dal tuo partito di inviare elenchi modificati. Fino ad allora smettila di mentire.’

Di questo principe direi: gli mancava il cervello allora, gli manca ora e gli mancherà per sempre. Questi elenchi sono compilati dagli stati. Puoi dire agli stati governati dal tuo partito di inviare elenchi modificati. Fino ad allora smettila di mentire. https://t.co/LYog1FRX2H

— Shandilya Giriraj Singh (@girirajsinghbjp) July 20, 2021

‘ഈ രാജകുമാരനെക്കുറിച്ച്‌​ ഞാന്‍ പറയാം. അദ്ദേഹത്തിന്​ തലച്ചോറിന്‍റെ അഭാവമുണ്ടായിരുന്നു, പിന്നീട്​ നഷ്​ടമായി. ഇനി എന്നന്നേക്കുമായി നഷ്​ടപ്പെടും . ഈ പട്ടികകള്‍ നല്‍കിയത്​ സംസ്​ഥാനങ്ങളാണ്​. പരിഷ്​കരിച്ച പട്ടികകള്‍ സമര്‍പ്പിക്കാന്‍ നിങ്ങള്‍ ഭരിക്കുന്ന സംസ്​ഥാനങ്ങള്‍ക്ക്​ നിര്‍ദേശം നല്‍കാന്‍ നിങ്ങള്‍ക്ക്​ കഴിയും. അതുവരെ നിങ്ങള്‍ക്ക്​ കള്ളം പറയാം’ -ഗിരിരാജ്​ സിങ് ട്വീറ്റ്​ ചെയ്​തു.