മയക്കുമരുന്നിന്റെ ലഹരിമൂത്ത് യുവാവും യുവതിയും കാറിൽ അഭ്യാസപ്രകടനം നടത്തി: പിടിച്ചു പോലീസിൽ ഏൽപ്പിച്ച് നാട്ടുകാർ

അടിമാലി: മയക്കുമരുന്ന് ലഹരിയില്‍ യുവതിയും യുവാവും റോഡിൽ അഭ്യാസപ്രകടനം നടത്തി. തട്ടിക്കൊണ്ട് പോകല്‍ നാടകം കളിച്ച മൂന്ന് അംഗ സംഘത്തെ നാട്ടുകാര്‍ തടഞ്ഞ് നിര്‍ത്തി പൊലീസില്‍ ഏല്‍പ്പിച്ചു. സംഭവവുമായി ബന്ധപ്പെട്ട് ഒരു യുവതിയുടെയും രണ്ടു യുവാക്കളുടെയും പേരിൽ പോലീസ് കേസെടുത്തു. അടിമാലി കല്ലാര്‍ ഭാഗത്ത് ശനിയാഴ്ച രാത്രി 9 നായിരുന്നു സംഭവം.

Also Read:യോഗി ആദിത്യനാഥ് വീണ്ടും മുഖ്യമന്ത്രിയായാൽ താൻ യു.പിയിൽ നിൽക്കില്ല : മുനവ്വർ റാണ

കല്ലാര്‍ ഭാഗത്ത് കൂടി കടന്നു പോയ കാറില്‍ നിന്ന് ഒരു യുവതി തട്ടികൊണ്ട് പോകുന്നതായി നാട്ടുകാരോട് വിളിച്ച്‌ പറഞ്ഞു. സംഭവം ശ്രദ്ധയില്‍പ്പെട്ട സമീപത്തെ വ്യാപാരികളും മറ്റും നാട്ടുകാരുടെ സഹായത്തോടെ യുവതിയെ രക്ഷിക്കാന്‍ ശ്രമിച്ചു. വാഹനത്തെ പിന്‍തുടര്‍ന്ന് സംഘത്തെ പിടികൂടി. എന്നാൽ യുവതിയും യുവാക്കളും മയക്കുമരുന്ന് ലഹരിയിലാണെന്നു കണ്ടെത്തിയതോടെ നാട്ടുകാർ പോലീസിൽ അറിയിക്കുകയായിരുന്നു.

തട്ടിക്കൊണ്ട്‌പോകുന്നത് സംബന്ധിച്ച്‌ താന്‍ ലഹരിയില്‍ തമാശയ്ക്ക് പറഞ്ഞതാണെന്നായിരുന്നു പിടികൂടിയപ്പോൾ യുവതിയുടെ മൊഴി. കുരിശുപാറ ഭാഗത്തെ റിസോര്‍ട്ടിലായിരുന്നു മൂന്നുപേരും മുറിയെടുത്തു താമസിച്ചിരുന്നത്.