ന്യൂഡൽഹി : ഐ ടി ആക്ട് 66 A പ്രകാരം കേസെടുക്കരുതെന്ന് നിർദ്ദേശവുമായി കേന്ദ്ര സർക്കാർ. സാമൂഹിക മാധ്യമങ്ങളിൽ അധിക്ഷേപകരമായ കാര്യങ്ങൾ പോസ്റ്റ് ചെയ്താൽ 3 വർഷം വരെ തടവ് ലഭിക്കുന്നതായിരുന്നു 66 A നിയമം.
ജനാധിപത്യ വിരുദ്ധവും അഭിപ്രായസ്വാതന്ത്ര്യത്തിന് എതിരും ആണെന്ന് ചൂണ്ടികാട്ടി സുപ്രീം കോടതി ഈ നിയമം റദ്ദാക്കുകയായിരുന്നു. എന്നാൽ ഇപ്പോഴും റദ്ദ് ചെയ്ത ഈ നിയമത്തിന്റെ പേരിൽ അറസ്റ്റുകൾ നടക്കുന്നുണ്ടെന്നു ശ്രദ്ധയിൽപ്പെട്ടതിനു പിന്നാലെ സുപ്രീം കോടതി രൂക്ഷ വിമർശനമുയർത്തി. അതിനു പിന്നാലെയാണ് ഐ ടി ആക്ട് 66 എ പ്രകാരം കേസെടുക്കരുതെന്ന് സംസ്ഥാനങ്ങളോട് കേന്ദ്രം നിർദ്ദേശിച്ചത്.
പൊലീസ് സ്‌റ്റേഷനുകൾക്ക് ഇത് സംബന്ധിച്ച് നിർദ്ദേശം നൽകണമെന്നും കേസുകൾ എടുത്തിട്ടുണ്ടെങ്കിൽ അടിയന്തരമായി പിൻവലിക്കണമെന്നും കേന്ദ്രം നിർദ്ദേശം നൽകി.
Post Your Comments