അമ്മയെ കൊന്ന് അവയവങ്ങൾ ഉപ്പും മുളകും കൂട്ടി വറുത്തു കഴിച്ച് മകൻ: അപൂര്‍വങ്ങളില്‍ അപൂര്‍വമെന്ന് കോടതി

മുംബൈ: മനുഷ്യ മനസാക്ഷിയെ നടുക്കിയ ഒരു കൊലപാതമാണ് ലോകമിന്ന് ചർച്ച ചെയ്തുകൊണ്ടിരിക്കുന്നത്. 2017 ആഗസ്റ്റിലാണ് 35 കാരനായ യുവാവ് സ്വന്തം അമ്മയെ ക്രൂരമായി ​കൊലപ്പെടുത്തി അവയവങ്ങള്‍ വറുത്ത്​​ കഴിച്ചത്. കേസിൽ വർഷങ്ങൾക്ക് ശേഷം പ്രതിയായ 35 കാരന്​ മഹാരാഷ്​ട്ര കോടതി വധശിക്ഷ വിധിച്ചിരിക്കുന്നു. അപൂര്‍വങ്ങളില്‍ അപൂര്‍വമെന്നാണ് കോടതി ഈ കേസിന് വിധിയെഴുതിയത്. ഈ കൊലപാതകം സമൂഹ മനസാക്ഷിയെ ഞെട്ടിച്ചതാണെന്നാണ് ജഡ്ജിയുടെ നിരീക്ഷണം. കൊലപാതകം അതിക്രൂരവും ലജ്ജാവഹമാണെന്നും കോടതി ചൂണ്ടിക്കാട്ടി .കോലാപൂര്‍ അഡീഷനല്‍ സെഷന്‍സ്​ ജഡ്​ജി മഹേഷ്​ കൃഷ്​ണജിയാണ്​ പ്രതിയെ മരണംവരെ തൂക്കിലേറ്റാന്‍ വിധിച്ചത്​.

Also Read:കേരളത്തിൽ ഇനി ഒരു രൂപ പോലു നിക്ഷേപിക്കില്ല, എംഎല്‍എമാര്‍ക്ക് നന്ദി : സാബു ജേക്കബ്

‘ആ അമ്മ അനുഭവിച്ച വേദന വാക്കുകളിലൂടെ വിശദീകരിക്കാന്‍ കഴിയില്ല. മദ്യാസക്തി കാരണമാണ്​ അയാള്‍ കുറ്റം ചെയ്തിരിക്കുന്നത്. നിസഹായയായ അമ്മയുടെ ജീവിതം അവന്‍ ഇല്ലാതാക്കി. മാതൃത്വത്തിനുള്ള ഏറ്റവും വലിയ അപമാനമാണിത്​’ -കോടതി നിരീക്ഷിച്ചു .

​ 2017 ആഗസ്റ്റിലാണ് കേസിനാസ്​പദമായ സംഭവം നടന്നത്. അയല്‍വാസിയായ ഒരു കുട്ടിയാണ്​ അമ്മയുടെ മൃതദേഹത്തിന്​ സമീപം പ്രതി നില്‍ക്കുന്നത്​ കണ്ടത്​. കുട്ടി ഇത് കണ്ട് കരഞ്ഞതോടെ ആളുകള്‍ പൊലീസിനെ വിളിക്കുകയായിരുന്നു. സംഭവ സ്​ഥലത്തെത്തിയ പൊലീസ്​ രക്തത്തില്‍ കുളിച്ച്‌​ കിടക്കുന്ന മാതാവിന്‍റെ മൃതശരീരമാണ്​ കണ്ടത്​. ചില അവയവങ്ങള്‍ പുറത്തെടുത്ത നിലയിലായിരുന്നു. ഹൃദയം ഒരു തളികയില്‍ വെച്ചപ്പോള്‍ മറ്റ്​ ചില അവയവങ്ങള്‍ ഒരു എണ്ണപാത്രത്തിലാണ്​ കാണപ്പെട്ടത്​. അക്രമാസക്തരായ ജനങ്ങളുടെ ഇടയില്‍ നിന്ന്​ വളരെ സാഹസികമായാണ് ​ പൊലീസ്​ പ്രതിയെ പിടികൂടി അറസ്റ്റ്​ ചെയ്​തത്​. പ്രതി സ്ഥിര മദ്യപാനിയായിരുന്നെന്ന് പോലീസ് കണ്ടെത്തിയിരുന്നു.