മലപ്പുറം : കാലിക്കറ്റ് സർവ്വകാശാല വിദ്യാർത്ഥിനിയെ അധ്യാപകൻ പീഡിപ്പിച്ചതായി പരാതി. അധ്യാപകൻ അപമാര്യാദയായി പെരുമാറിയെന്നും മാനസികമായി പീഡിപ്പിച്ചെന്നും വൈസ് ചാന്‍സലര്‍ക്ക് വിദ്യാര്‍ത്ഥിനി നല്‍കിയ പരാതിയില്‍ പറയുന്നു. ഇതേ തുടർന്ന് സർവ്വകലാശാല ഇംഗ്ലീഷ് വിഭാഗം അസിസ്റ്റന്റ് പ്രൊഫസർ ഹാരിസിനെതിരെ പോലീസ് കേസ് എടുത്തു. അധ്യാപകനെ സര്‍വ്വകലാശാല സസ്‌പെന്റ് ചെയ്തു.
സർവ്വകലാശാല പരാതി പരിഹാര സെല്ലിലാണ് വിദ്യാർത്ഥിനി പരാതി നൽകിയത്. പ്രാഥമിക അന്വേഷണത്തിന് ശേഷം പരാതി തേഞ്ഞിപ്പാലം പോലീസിന് കൈമാറുകയായിരുന്നു.
ഹാരിസിനെ ഉടൻ കസ്റ്റഡിയിൽ എടുക്കുമെന്ന് പോലീസ് അറിയിച്ചു.
കഴിഞ്ഞ വര്‍ഷം ഒക്ടോബര്‍ മുതലുള്ള വിവിധ സംഭവങ്ങള്‍ ചൂണ്ടിക്കാട്ടിയാണ് പരാതി. നേരിട്ടും ഫോണിലും വാട്ട്സ്ആപ്പ് മുഖേനയും ലൈംഗിക ചുവയോടെ സംസാരിച്ചതും ബസ് സ്റ്റോപ്പില്‍ വെച്ച് കൈക്ക് കയറി പിടിച്ചുവെന്നും പരാതിയില്‍ പറയുന്നുണ്ട്. എതിര്‍ത്തിട്ടും ചൂഷണം തുടര്‍ന്നതോടെയാണ് വിദ്യാര്‍ഥിനി പരാതി നല്കിയത്.
Post Your Comments