തിരുവനന്തപുരം : ഓണ്‍ലൈന്‍ ഷോപ്പിംഗ് സൈറ്റുകളിലെ കസ്റ്റമര്‍ റിവ്യൂകളെ വിശ്വസിക്കരുതെന്ന മുന്നറിയിപ്പുമായ കേരള പൊലീസ്. തങ്ങളുടെ ഉല്‍പന്നങ്ങള്‍ വിറ്റഴിക്കാൻ വേണ്ടി ഓൺലൈൻ വില്പനക്കാർ തന്നെ നടത്തുന്ന ഒന്നാണ് വ്യാജ കസ്റ്റമര്‍ റിവ്യൂകള്‍ എന്നും മുന്നറിയിപ്പിൽ പറയുന്നു. റിവ്യൂ തട്ടിപ്പിലൂടെ കച്ചവടം കൊഴുപ്പിക്കുന്ന വിൽപ്പനക്കാർ അവരുടെ ഉൽപ്പന്നങ്ങളുടെ അവലോകകരെ കണ്ടെത്താൻ ഫ്രീലാൻസ് ജോബ് സൈറ്റുകളും സോഷ്യൽ മീഡിയ ഗ്രൂപ്പുകളും ഉപയോഗിക്കുന്നുവെന്നും പൊലീസ് മുന്നറിയിപ്പ് നല്‍കുന്നു. ഫേസ്ബുക്ക് പോസ്റ്റിലൂടെയാണ് പൊലീസ് ഇക്കാര്യം പറയുന്നത്.
കുറിപ്പിന്റെ പൂർണരൂപം :
തങ്ങളുടെ ഉല്‍പന്നങ്ങള്‍ വിറ്റഴിക്കാൻ ഓൺലൈൻ വില്പനക്കാർ പല വഴികൾ തേടുന്നു. . അതിലൊന്നാണ് വ്യാജ കസ്റ്റമര്‍ റിവ്യൂകള്‍. ഓൺലൈൻ വഴി വാങ്ങിയ ഉല്‍പന്നങ്ങളെക്കുറിച്ച് ഉപയോക്താക്കള്‍ നല്‍കുന്ന വിലയിരുത്തലുകളെ അഥവാ റിവ്യൂകളെ വിശ്വസിച്ചിട്ടാണ് പിന്നീട് നമ്മളിൽ പലരും സാധങ്ങൾ ഓർഡർ ചെയ്യുക.
റിവ്യൂ തട്ടിപ്പിലൂടെ കച്ചവടം കൊഴുപ്പിക്കുന്ന വിൽപ്പനക്കാർ അവരുടെ ഉൽപ്പന്നങ്ങളുടെ അവലോകകരെ കണ്ടെത്താൻ ഫ്രീലാൻസ് ജോബ് സൈറ്റുകളും സോഷ്യൽ മീഡിയ ഗ്രൂപ്പുകളും ഉപയോഗിക്കുന്നു.
പോസിറ്റീവ് അവലോകനങ്ങൾക്ക് പകരമായി കാശോ സൗജന്യ ഉൽപ്പന്നമോ വാഗ്ദാനം ചെയ്യുന്നു. തൽഫലമായി, ചുരുങ്ങിയ സമയത്തിനുള്ളിൽ ഒരു ഉൽപ്പന്നത്തിന്റെ പരസ്യത്തിന് ചുവട്ടിൽ ധാരാളം അവലോകനങ്ങൾ പ്രത്യക്ഷപ്പെടുന്നു.
മോശപ്പെട്ട ഉൽപ്പന്നമെന്നറിയാതെ, റിവ്യൂ എഴുതിയാൽ ഇത്ര ശതമാനം കുറവ് നൽകാമെന്ന ഉറപ്പിന്മേൽ സാധനങ്ങൾ വാങ്ങി പറ്റിക്കപ്പെടുന്നവരും ഉണ്ട്.
Read Also : കോപ അമേരിക്കയിൽ ചിലിയെ തകർത്ത് ബ്രസീൽ സെമിയിൽ
അതിശയിപ്പിക്കുന്ന വിലക്കുറവിൽ മയങ്ങി വീഴരുത്. ബ്രാൻഡും മോഡലും നൽകി സെർച്ച് ചെയ്താൽ പലരുടെ അനുഭവങ്ങളും ഓൺലൈനിൽ കാണാൻ കഴിയും.
ഒരു ഉൽപ്പന്നത്തിന് കൂടുതലും നെഗറ്റീവ് അവലോകനങ്ങൾ ഉണ്ടായിരുന്നെങ്കിലും പെട്ടെന്ന് 5-സ്റ്റാർ റേറ്റിംഗുകൾ ഉണ്ടായത് ശ്രദ്ധയിൽപെട്ടിട്ടുണ്ടോ ? എന്തായാലും ഉൽപ്പന്നത്തിന്റെ ഗുണനിലവാരം ഒറ്റരാത്രികൊണ്ട് മാറിയിട്ടില്ലെന്ന് കണക്കിലെടുക്കുമ്പോൾ തന്നെ, അവിടെ ഒരു റിവ്യൂ തട്ടിപ്പിനുള്ള ചാൻസ് ഉണ്ട് എന്ന് നമുക്ക് അനുമാനിക്കാം.
റിവ്യൂയിലെ അവിശ്വസനീയമായ അവകാശവാദങ്ങളും വിചിത്രമായ ഫോർമാറ്റിംഗും ഇമെയിൽ അഡ്ഡ്രസ്സുകളിലെ സംശയാസ്പദമായ അക്ഷരങ്ങളും ശ്രദ്ധിക്കണം.
Read Also : കോഴിക്കോട്ടെ സമാന്തര ടെലിഫോൺ എക്സ്ചേഞ്ച് സംവിധാനം കണ്ടെത്തിയ സംഭവം: തീവ്രവാദ ബന്ധം അന്വേഷിച്ച് പോലീസ്
വ്യാജ ഉപഭോക്തൃ അവലോകനങ്ങൾ മിക്കപ്പോഴും ഏറ്റവും മികച്ചതായിരിക്കും. റിവ്യൂനേക്കാളും ഉപരി ഉൽപ്പന്നത്തിന്റെ സവിശേഷതകൾ വിവരിക്കുന്ന പോലെയായിരിക്കും അത്. അവയിലെ വ്യാകരണവും അക്ഷരവിന്യാസവും പ്രത്യേക രീതിയിലുള്ള പദപ്രയോഗങ്ങളും ശ്രദ്ധിച്ചാൽ അപകടം മനസ്സിലാകും.
ഇത്തരം വില്പനക്കാരുടെ ഉൽപ്പന്നങ്ങളുടെ മുൻപുള്ള ഉള്ള റിവ്യൂകളും ശ്രദ്ധിക്കുക.
ഒരു ഉൽപ്പന്നത്തിന് ഒട്ടനവധി റിവ്യൂകൾ കാണുന്നുണ്ടോ ? ആ കമ്പനിയുടെ ഉൽപ്പന്നങ്ങൾക്ക് 5-സ്റ്റാർ റേറ്റിംഗുകൾ മാത്രം നൽകുന്നുണ്ടോ?
ഒരാൾ ഒന്നിലധികം തവണ ഒരു ഉൽപ്പന്നം അവലോകനം ചെയ്തിട്ടുണ്ടോ? ധാരാളം ഇനങ്ങൾ വാങ്ങിയാതായി കാണിച്ച് അവയെല്ലാം അവലോകനം ചെയ്തിട്ടുണ്ടോ ? എങ്കിൽ ഉൽപ്പന്നങ്ങൾക്ക് ഓർഡർ നല്കുന്നതിന് മുൻപ്. രണ്ടുതവണ ചിന്തിക്കുക.
വളരെ ഹ്രസ്വമോ വളരെ ദൈർഘ്യമേറിയതോ ആണോ റിവ്യൂകൾ ? റിവ്യൂ പൂർണ്ണമായും പോസിറ്റീവ് ആണോ ?
ആവർത്തിച്ചുള്ള അവലോകനമാണോ ? ഉൽപ്പന്നത്തിന്റെ മറ്റ് റിവ്യൂകളുടെ അതേ വാക്യങ്ങൾ ആണോ കാണുന്നത് ?
Read Also : ഒൻപത് വയസുകാരനെ പ്രകൃതിവിരുദ്ധ പീഡനത്തിനിരയാക്കിയ മദ്രസ അധ്യാപകൻ അറസ്റ്റിൽ
മുൻപ് സമാന ഉൽപ്പന്നം അവലോകനം ചെയ്ത അവലോകകൻ തന്നെയാണോ എഴുതിയത് ?
വ്യാജ ഉപഭോക്തൃ അവലോകനങ്ങൾ കണ്ടെത്താൻ ശ്രമിക്കുമ്പോൾ, സ്റ്റാർ റേറ്റിംഗിനപ്പുറം പോകേണ്ടതുണ്ട്. റിവ്യൂകളുടെ ഉള്ളടക്കം സൂക്ഷ്മമായി പരിശോധിക്കുക.
ചില സൈറ്റുകൾ വെരിഫൈഡ് പർചേസ് റിവ്യൂ കൊടുക്കുന്നുണ്ട്. അത്തരം റിവ്യൂകൾ വായിച്ചു നോക്കിയാൽ മേന്മകളും ന്യുനതകളും വ്യക്തമായി മനസ്സിലാക്കാം
ചില സൈറ്റുകൾ അവരുടെ വിറ്റഴിക്കാത്ത ഉൽപ്പന്നങ്ങൾ, വിറ്റഴിക്കുന്ന ഉൽപ്പന്നങ്ങളുടെ റിവ്യൂവിന്റെ കൂടെ ചേർക്കാറുണ്ട്. ഇത്തരം സന്ദർഭങ്ങളിൽ റിവ്യൂ ഏതു ഉത്പന്നത്തിന്റേതാണെന്നു ചെക്ക് ചെയ്യുക.
നിങ്ങളുടെ കാശാണ് . അത് പാഴാകില്ലെന്ന് ഉറപ്പുവരുത്തുക.
Post Your Comments