തിരുവനന്തപുരം: ബില്‍ കുടിശിക അടച്ചില്ലെങ്കില്‍ കണക്ഷന്‍ വിച്ഛേദിക്കാനുള്ള യാതൊരു വിധ തീരുമാനവും സര്‍ക്കാര്‍ തലത്തില്‍ എടുത്തിട്ടില്ലെന്ന് വൈദ്യുതി മന്ത്രി കെ. കൃഷ്ണൻകുട്ടി. വൈദ്യുതി ബില്‍ കുടിശിക അടച്ചില്ലെങ്കിൽ കണക്ഷൻ വിച്ഛേദിക്കും എന്ന രീതിയിലുള്ള വാര്‍ത്ത വസ്തുതാ വിരുദ്ധമാണെന്നും അദ്ദേഹം അറിയിച്ചു.
കെഎസ്ഇബിയുടെ കുടിശിക പിരിവ് രണ്ടുമാസത്തേക്ക് നിര്‍ത്തിവയ്ക്കും എന്ന് മെയ് അഞ്ചിന് മുഖ്യമന്ത്രിയുടെ പത്രസമ്മേളനത്തില്‍ അറിയിച്ചിരുന്നു. ഇതാണ് നിലവിലെ സ്ഥിതി എന്നും കൃഷ്ണൻകുട്ടി വ്യക്തമാക്കി.
കുടിശികയുടെ വിശദാംശങ്ങള്‍ പരിശോധിച്ച ശേഷമേ വൈദ്യുതി വിച്ഛേദിക്കണ്ട എന്ന് നിലവിലുള്ള നിലപാടിൽ മാറ്റം വരുത്തുന്നതില്‍ സര്‍ക്കാര്‍ തീരുമാനം എടുക്കുകയൊള്ളു എന്നും അതുവരെ നിലവിലുള്ള സ്ഥിതി തുടരാനാണ് തീരുമാനമെന്നും മന്ത്രി വ്യക്തമാക്കി.
Post Your Comments