കൊച്ചി: സംസ്ഥാനത്ത് കോവിഡ് വാക്സിന്റെ ആദ്യ ഡോസ് എടുത്തവര്‍ക്ക് എല്ലാ ഗോദ്റെജ് അപ്ലയന്‍സുകളിലും ആറു മാസ അധിക സൗജന്യ വാറണ്ടി ലഭിക്കും. ഏതു ചാനലിലൂടെ വാങ്ങിയാലും ഗോദ്റെജ് അപ്ലയന്‍സസിന്റെ ഉപഭോക്താക്കള്‍ക്ക് ആഗസ്റ്റ് 22 വരെ ഈ ആനുകൂല്യം ലഭ്യമാകുമെന്ന് കമ്പനി അധികൃതര്‍ അറിയിച്ചു.
ഉത്തരവാദിത്തമുള്ള ബ്രാന്‍ഡ് എന്ന നിലയിലും ഇന്ത്യയുടെ കോവിഡ് വാക്സിനേഷന്‍ യത്നത്തിലെ കോള്‍ഡ് ചെയിന്‍ സാങ്കേതികവിദ്യാ പങ്കാളി എന്ന നിലയിലും കോവിഡിനെ നേരിടാന്‍ വാക്സിനുള്ള പങ്കിനെ കുറിച്ചു തങ്ങള്‍ക്ക് ബോധ്യമുണ്ടെന്ന് ഗോദ്റെജ് അപ്ലയന്‍സസ് എക്സിക്യൂട്ടീവ് വൈസ് പ്രസിഡന്റും ബിസിനസ് മേധാവിയുമായ കമല്‍ നന്തി പറഞ്ഞു. വാക്സിനേഷനെ പ്രോല്‍സാഹിപ്പിക്കാനുള്ള ഈ നീക്കത്തെ തങ്ങളുടെ വ്യാപാര പങ്കാളികളും ഉപഭോക്താക്കളും പൂര്‍ണ മനസോടെ സ്വാഗതം ചെയ്യുകയാണെന്നും അദ്ദേഹം കൂട്ടിച്ചേര്‍ത്തു.
Post Your Comments