ആലപ്പുഴ: യോഗയ്ക്ക് ആത്മീയതയുമായോ മതവുമായോ ബന്ധമില്ലെന്ന് പറഞ്ഞ മുഖ്യമന്ത്രി പിണറായി വിജയനെ ട്രോളി ബി.ജെ.പി നേതാവ് സന്ദീപ് വാചസ്പതി. യോഗയ്ക്ക് ആകെയുള്ള ബന്ധം കാറൽ മാർക്സ്‌മായും ദസ് ക്യാപ്പിറ്റലുമായുമാണെന്ന് എത്ര പേർക്ക് അറിയാമെന്ന് ചോദിക്കുകയാണ് സന്ദീപ്. ഫ്രഡറഞ്ജലി എന്ന കോമ്രേഡ് ആണ് യോഗയുടെ ഉപജ്ഞാതാവ് എന്ന കാര്യം ലോകത്തോട് വിളിച്ച് പറഞ്ഞ മുഖ്യമന്ത്രിക്ക് അഭിവാദ്യങ്ങളെന്നാണ് സന്ദീപ് തന്റെ ഫേസ്‌ബുക്കിൽ കുറിച്ചത്.
‘യോഗയ്ക്ക് ആകെയുള്ള ബന്ധം കാറൽ മാർക്സ്‌മായും ദസ് ക്യാപ്പിറ്റലുമായുമാണെന്ന് എത്ര പേർക്ക് അറിയാം. ദസ് ക്യാപിറ്റലിന്റെ പത്താം അധ്യായം മൂന്നാം സമുല്ലാസത്തിൽ ആണ് യോഗയെ പറ്റി പരാമർശം ഉള്ളത്. ഫ്രഡറഞ്ജലി എന്ന മഹർഷി സോറി കോമ്രേഡ് ആണ് ഇതിന്റെ ഉപജ്ഞാതാവ് എന്ന കാര്യവും അധികമാർക്കും അറിയാത്തതാണ്. ഇക്കാര്യങ്ങൾ ലോകത്തോട് വിളിച്ചു പറഞ്ഞ സഖാവ് പിണറായി വിജയന് അഭിവാദ്യങ്ങൾ’, സന്ദീപ് വാചസ്പതി കുറിച്ചു.
അതേസമയം, യോഗ ശാസ്ത്രീയമെന്നും ആരോഗ്യവും ശാന്തിയും ഉറപ്പ് വരുത്താന്‍ അതിന് കഴിയുമെന്നും മുഖ്യമന്ത്രി ഇന്ന് രാവിലെ പറഞ്ഞിരുന്നു. മതത്തിന്‍റെ കള്ളിയില്‍ കണ്ടാല്‍ വലിയൊരു വിഭാഗത്തിന് ഇതിന്റെ ഗുണഫലം നഷ്ടമാകും. ആത്മീയത, മതം എന്നിവയുമായി ബന്ധപ്പെടുത്തി യോഗയെ കാണേണ്ടതില്ലെന്നും അന്താരാഷ്ട്ര യോഗ ദിനാചരണ സന്ദേശത്തില്‍ മുഖ്യമന്ത്രി പറഞ്ഞു.
Post Your Comments