പാലക്കാട്: പട്ടാമ്പിയിലെ സ്വകാര്യ ആശുപത്രിയില്‍ മൃതദേഹം എലി കടിച്ച സംഭവത്തില്‍ ആരോഗ്യമന്ത്രി പാലക്കാട് ഡി.എം.ഒയോട് റിപ്പോര്‍ട്ട് തേടി. ഇന്നലെയാണ് ഒറ്റപ്പാലം മനിശ്ശേരി കുന്നുംപുറം ലക്ഷം വീട് കോളനിയില്‍ സുന്ദരി പട്ടാമ്പിയിലെ സേവന ആശുപത്രിയില്‍ വച്ച്‌ ഹൃദയാഘാതം മൂലം മരിക്കുന്നത്. ഇന്നലെ ആശുപത്രിയിലെ മോര്‍ച്ചറിയില്‍ സൂക്ഷിച്ച മൃതദേഹം രാവിലെ വീട്ടിലേക്ക് കൊണ്ടുപോകാനായി എടുക്കും വഴിയാണ് മൃതദേഹത്തില്‍ എലി കടിച്ചത് കണ്ടത്.
Read Also: ആയുധങ്ങളുമായി രാമേശ്വരം ലക്ഷ്യമാക്കി ബോട്ടു നീങ്ങി: കേരളത്തീരത്തും ശക്തമായ ജാഗ്രത തുടരുന്നു
മൃതദേഹത്തിന്റെ മൂക്കും കവിളും എലി കടിച്ചു മുറിച്ച്‌ വികൃതമാക്കിയിട്ടുണ്ട്. ഇതേത്തുടര്‍ന്ന് മാധ്യമ വാര്‍ത്തകള്‍ പുറത്തു വന്നതിന് പിന്നാലെയാണ് ആരോഗ്യമന്ത്രി വീണ ജോര്‍ജ് പാലക്കാട് ഡി.എം.ഒയോട് റിപ്പോര്‍ട്ട് ആവശ്യപ്പെട്ടത്. ഇന്നു തന്നെ സംഭവത്തെക്കുറിച്ച്‌ അന്വേഷണം നടത്തി റിപ്പോര്‍ട്ട് നല്‍കാനാണ് നിര്‍ദേശം. ആശുപത്രി അധികൃതര്‍ ഇതുവരെ സംഭവത്തെ കുറിച്ച്‌ വിശദീകരണം നല്‍കാന്‍ തയ്യാറായിട്ടില്ല. അന്വേഷണം നടക്കുകയാണ് എന്നാണ് ആശുപത്രി അധികൃതരുടെ പ്രതികരണം. സുന്ദരിയുടെ ബന്ധുക്കളുടെ പരാതിയുടെ അടിസ്ഥാനത്തില്‍ പട്ടാമ്ബി പൊലീസും അന്വേഷണം ആരംഭിച്ചിട്ടുണ്ട്.
Post Your Comments