കാലിഫോർണിയ: വളർത്തുനായ്ക്കളെ ആക്രമിക്കാനെത്തിയ കരടിയെ വീട്ടുമുറ്റത്തെ മതിലിൽ നിന്നും തള്ളി താഴെയിടുന്ന പെൺകുട്ടിയുടെ വീഡിയോ സോഷ്യൽ മീഡിയകളിൽ വൈറലാകുന്നു. യു.എസിലെ കാലിഫോർണിയയിലെ സാൻ ഗാബ്രിയൽ വാലിയിലാണ് സംഭവം. പെൺകുട്ടിയുടെ വീട്ടിലെ സി.സി.ടി.വി ക്യാമറയിൽ പതിഞ്ഞ ദൃശ്യങ്ങളാണ് വൈറലാകുന്നത്. 17 കാരിയായ ഹെയ്‌ലിയെന്ന പെൺകുട്ടിയുടെ ധൈര്യത്തെ അഭിനന്ദിക്കുകയാണ് എല്ലാവരും.
Also Read:രാജ്യത്ത് കൊവിഡ് രണ്ടാം തരംഗത്തിനിടെ മരിച്ചത് 594 ഡോക്‌ടര്‍മാര്‍; കണക്കുകള്‍ വ്യക്തമാക്കി ഐ എം എ
ഒരു കരടിയും അതിന്റെ രണ്ട് കുട്ടികളും ഹെയ്‌ലിയുടെ വീടിന്റെ മതിലിനു മുകളിലൂടെ നടക്കുകയായിരുന്നു. ഇത് കണ്ടതോടെ, ഹെയ്‌ലിയുടെ വളർത്തുനായ്ക്കൾ കുരച്ചുകൊണ്ട് ഓടിയെത്തി. നായ്ക്കൾ കുരച്ചതോടെ, കരടി ഇവരുടെ നേരേക്ക് തിരിഞ്ഞു. മുറ്റത്തിന്റെ മറ്റേ അറ്റത്ത് പൂത്തോട്ടപരിപാലനത്തിലായിരുന്നു ഹെയ്‌ലിയുടെ കുടുംബം. നായ്ക്കൾ കുരയ്ക്കുന്ന ശബ്ദം കേട്ട് ഹെയ്‌ലി ഓടിയെത്തുകയായിരുന്നു.
തന്റെ പ്രിയപ്പെട്ട വളർത്തുനായ്ക്കളെ കരടി ആക്രമിക്കാനൊരുങ്ങുന്നത് കണ്ട ഹെയ്‌ലി രണ്ടാമതൊന്ന് ആലോചിച്ചില്ല. അവൾ മതിലിനടുത്തേക്ക് ഓടി കരടിയെ ചുമരിൽ നിന്ന് തള്ളിയിടുകയായിരുന്നു. ശേഷം നായ്ക്കളെ എടുത്ത് രക്ഷപെടാൻ ശ്രമിക്കുന്നതാണ് വീഡിയോയിൽ കാണുന്നത്. വീഡിയോ കാണാം:
Post Your Comments