ന്യൂഡല്‍ഹി : കൊവിഡ് ദുരിതാശ്വാസ വസ്തുക്കള്‍ക്ക് ജി.എസ്.ടി ഇളവ് നല്‍കുമെന്ന തീരുമാനം അറിയിച്ച് കേന്ദ്രധനമന്ത്രി നിര്‍മല സീതാരാമന്‍.
ഇറക്കുമതി ചെയ്യുന്ന കൊവിഡ് ദുരിതാശ്വാസ വസ്തുക്കള്‍ക്കാണ് ജി.എസ്.ടി ഇളവ് നല്‍കുമെന്ന് കേന്ദ്രധനമന്ത്രി നിര്‍മല സീതാരാമന്‍ പ്രഖ്യാപിച്ചത്. ബ്ലാക്ക് ഫംഗസ് മരുന്നിനും ഇളവ് അനുവദിച്ചു.
Read Also : കൊവിഡ് 19: ജീവന്‍ നഷ്ടപ്പെട്ട മാദ്ധ്യമപ്രവര്‍ത്തകരുടെ കുടുംബങ്ങള്‍ക്ക് അഞ്ചുലക്ഷം രൂപ കേന്ദ്ര സഹായം
കൊവിഡ് ചികിത്സക്കായുള്ള ഉപകരണങ്ങളുടെ നിരക്കില്‍ ഇളവ് വേണമോയെന്നത് തീരുമാനിക്കാന്‍ മന്ത്രിതല സമതി രൂപീകരിച്ചു. കൂടുതല്‍ നിരക്ക് ഇളവുകള്‍ ഈ സമിതിയുടെ റിപ്പോര്‍ട്ടിന്റെ അടിസ്ഥാനത്തിലായിരിക്കും. പത്ത് ദിവസത്തിനകം സമിതി റിപ്പോര്‍ട്ട് നല്‍കും.
അതേസമയം, കൊവിഡ് വാക്സിന്റെ നികുതിയിളവ് സംബന്ധിച്ചും കേന്ദ്ര ധനമന്ത്രി പ്രതികരിച്ചു. ജൂണ്‍ എട്ടോടെ ഇത് സംബന്ധിച്ച് തീരുമാനമുണ്ടാകുമെന്ന് ജിഎസ്ടി കൗണ്‍സില്‍ യോഗത്തിന് ശേഷം അവര്‍ അറിയിച്ചു.
Post Your Comments