റാഞ്ചി: കോവിഡ് സ്ഥിരീകരിച്ചതിനു പിന്നാലെ മാതാപിതാക്കൾ ആശുപത്രിയിൽ ഉപേക്ഷിച്ച രണ്ട് വയസ്സുള്ള ആണ്‍കുട്ടി അന്തരിച്ചു. കുട്ടിയുടെ മരണ ശേഷവും മാതാപിതാക്കളെ കണ്ടെത്താന്‍ ആശുപത്രി അധികൃതര്‍ക്ക് കഴിഞ്ഞില്ല. തുടര്‍ന്ന് കുട്ടിയുടെ അന്ത്യകര്‍മ്മങ്ങള്‍ ആശുപത്രിയിലെ വാര്‍ഡ് ബോയ് ആണ് ചെയ്തത്.
ഝാര്‍ഖണ്ഡിലെ രാജേന്ദ്ര ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസിലാണ് (റിംസ്) കുട്ടി മരിച്ചത്. ബിഹാറിലെ ജാമുയി സ്വദേശികളാണ് കുട്ടിയുടെ മാതാപിതാക്കൾ. ശ്വാസതടസ്സത്തെ തുടര്‍ന്ന് മെയ് പത്താം തീയതിയാണ് കുട്ടിയെ ആശുപത്രിയിലെത്തിച്ചത്. പീഡിയാട്രിക് വാര്‍ഡില്‍ ചികിത്സയിലിരിക്കെ കുട്ടിക്ക് ന്യുമോണിയ ആണെന്ന് കണ്ടെത്തി. അതിനു പിന്നാലെയാണ് കോവിഡ് ബാധയും സ്ഥിരീകരിച്ചു.
കോവിഡ് പരിശോധനാഫലം വന്നതിനു പിന്നാലെ കുട്ടിയുടെ മാതാപിതാക്കളെ കാണാതായെന്ന് ആശുപത്രി അധികൃതര്‍ പറഞ്ഞു. മേയ് 11ന് ഉച്ചകഴിഞ്ഞ് മൂന്നോടെയാണ് കുട്ടി മരിക്കുന്നത്.
Post Your Comments