ലക്നൗ : പാകിസ്താൻ അനുകൂല ഗാനങ്ങൾ ആലപിച്ചു ഗ്രാമത്തലവന്റെയും സംഘത്തിന്റെയും ബൈക്ക് റാലി. വീഡിയോ സോഷ്യൽ മീഡിയയിൽ ആയതോടെ ഗ്രാമപ്രധാൻ ഇമ്രാൻ ഖാനും സംഘവും അറസ്റ്റിൽ . ഉത്തർപ്രദേശിലെ അമേത്തിയിലാണ് സംഭവം .
അമേത്തിയിലെ രാംഗഞ്ച് പ്രദേശത്തെ മംഗ്ര ഗ്രാമത്തിൽ നിന്ന് തെരഞ്ഞെടുത്ത ഗ്രാമപ്രധാനാണ് ഇമ്രാൻ ഖാൻ. തന്റെ വിജയ ഘോഷയാത്രയുടെ ഭാഗമായാണ് ബൈക്ക് റാലി സംഘടിപ്പിച്ചത് . കൊറോണ മാനദണ്ഡങ്ങൾ ലംഘിച്ചു നടത്തിയ റാലിയിൽ ‘ദെഖോ ഇമ്രാൻ ഖാൻ ആയാ, നയാ പാകിസ്താൻ ലയ’ (നോക്കൂ ഇമ്രാൻ ഖാൻ വന്നിട്ടുണ്ട്, പുതിയ പാകിസ്ഥാനെ തന്നോടൊപ്പം കൊണ്ടുവന്നു). എന്നിങ്ങനെ പാകിസ്ഥാനെ അനുകൂലിച്ചുള്ള പാട്ടും പാടിയിരുന്നു.
read also:കൊടകര കുഴൽപ്പണ കവര്‍ച്ച; വിവരങ്ങൾ ചോർത്തിയത് ഡ്രൈവറുടെ സഹായി, പോലീസിന്റെ കണ്ടെത്തൽ
ഇതിന്റെ വീഡിയോ ഇന്റർനെറ്റിൽ പ്രചരിച്ചതിനെ തുടർന്നാണ് പോലീസ് ഗ്രാമപ്രധാനും ,അനുയായികൾക്കുമെതിരെ കേസ് രജിസ്റ്റർ ചെയ്തത് .കണ്ടാലറിയുന്ന അൻപതോളം പേർക്കെതിരെയും കേസ് രജിസ്റ്റർ ചെയ്തിട്ടുണ്ട്.
Post Your Comments