പാലക്കാട് : നിയമസഭാ തെരഞ്ഞെടുപ്പിന്റെ ഫലം വരാന്‍ ദിവസങ്ങള്‍ ബാക്കിയുള്ളപ്പോ പ്രാദേശിക ചാനലിൽ ഒരു ജ്യോതിഷി നടത്തിയ പ്രവചനം സമൂഹമാധ്യമങ്ങളില്‍ ഇപ്പോൾ വൈറൽ. കേരളത്തിലെ രാഷ്ട്രീയ നേതാക്കന്മാരുടെ ഭാവിയാണ് ജ്യോതിഷി പ്രവചിച്ചത്.
ഉമ്മന്‍ ചാണ്ടി, രമേശ് ചെന്നിത്തല, പിണറായി വിജയന്‍ എന്നിവരുടെ ഭാവിയും തിരഞ്ഞെടുപ്പ് ഫലവും പറയുന്ന ജ്യോതിഷിയുടെ പ്രധാന പ്രവചനങ്ങൾ ചർച്ചയാകുന്നു. ഉമ്മന്‍ ചാണ്ടിയുടെ ഗ്രഹനിലയാണ് ആദ്യം പറയുന്നത്. ഇതനുസരിച്ച്‌ അദ്ദേഹത്തിന് പത്തിലെ വ്യാഴം ഭാഗ്യം സമ്മാനിക്കും. ഉമ്മന്‍ചാണ്ടിക്ക് അമരയോഗവും ശശിയോഗവും ഉണ്ട്. കോണ്‍ഗ്രസ് തിളങ്ങിയാല്‍ അതിെന്‍റ ക്രെഡിറ്റ് ഉമ്മന്‍ ചാണ്ടിക്ക് ആയിരിക്കുമെന്നും ജ്യോതിഷി പറഞ്ഞു.
രണ്ടാമത് പരിശോധിച്ചത് രമേശ് ചെന്നിത്തലയുടെ കാലയോഗമാണ്. ചെന്നിത്തലക്ക് രാജയോഗമാണെന്നായിരുന്നു ജ്യോതിഷിയുടെ കണ്ടെത്തല്‍. ഒപ്പം ശശിയോഗവുമുണ്ട്. അപ്രതീക്ഷിതമായ ഭാഗ്യലബ്ധി അദ്ദേഹത്തിന് ഉണ്ടാകുമെന്നാണ് ജ്യോതിഷിയുടെ പ്രവചനം.
മൂന്നാമതായി പിണറായി വിജയനെകുറിച്ചു നടത്തിയ പ്രവചനത്തിൽ പറയുന്നതിങ്ങനെ.. പിണറായിക്ക് കഷ്ടകാലം. ബ്രാഹ്മണ കോപം, തന്ത്രി കോപം, ആചാര ലംഘനം എന്നിവ അദ്ദേഹത്തിന് ദുരിതം കൊണ്ടുവരും. പരിഹാരമായി അയ്യപ്പന് നിരാഞ്ജനം ഗണപതിക്ക് നാളികേരം ഉടക്കല്‍ എന്നിവ നിര്‍ദേശിക്കപ്പെട്ടു.
അടുത്തതായി വന്നത് ബി.ജെ.പിയെകുറിച്ചുള്ള പ്രവചനമാണ്. ബുധെന്‍റ ഗുണഫലം ബി.ജെ.പിക്ക് ലഭിക്കുമെന്നായിരുന്നു ജ്യോതിഷിയുടെ കണ്ടെത്തല്‍. ബുധനെന്നാല്‍ വീര്യം, ധൈര്യം, ഒാജസ്സ് എന്നിവയാണ്. ബുധെന്‍റ അപഹാരംകൊണ്ട് ബി.ജെ.പിയുടെ നില ഉത്തരോത്തരം മെച്ചപ്പെടുമെന്നും ജ്യോതിഷി പറഞ്ഞു. കൂടാതെ സ്ട്രോങ് റൂമുകളില്‍ ഇരിക്കുന്ന വോട്ടിങ് മെഷീനുകള്‍ പുറത്തെടുത്താല്‍ പ്രവചനം സത്യമാണോ എന്ന് അറിയാമെന്നും അദ്ദേഹം പറഞ്ഞു. ഫലം വന്നപ്പോൾ എല്ലാം തകിടം മറിഞ്ഞു. തുടര്ഭരണം കിട്ടി ഇടതുപക്ഷം അധികാരത്തിൽ ഏറുകയാണ്. ഈ അവസരത്തിൽ ഇത്ര കൃത്യമായി മണ്ടത്തരം പറയാന്‍ എങ്ങിനെ സാധിക്കുന്നെടാ ഉവ്വേ എന്ന ട്രോളുമായി സമൂഹമാധ്യമങ്ങളില്‍ ഈ വീഡിയോ സൈബർ നേതാക്കൻമാർ ഏറ്റെടുത്തുകഴിഞ്ഞു
Post Your Comments